Respublica partıasynyń teń tóraǵasy partıa qurýdyń alǵy sharttarynyń biri eldiń salyq zańnamasyndaǵy kedergilerdi joıý ekenin aıtty.
Osylaısha, spıker qańtar oqıǵasy kezinde qaraqshylardan zardap shekken kásipkerler memleket tarapynan qoldaýǵa ıe bolǵanyn atap ótti. Alaıda, bul qoldaýǵa da salyq salynady eken.
«Eger kásipkerler tabıǵı apattan zardap shekken bolsa, onda tıisti qoldaýǵa salyq salynbaıtyn edi. Biraq talan-tarajǵa túsken jaǵdaıda zańnamada salyq salý týraly ereje qarastyrylǵan. Sondyqtan, kásipkerlerge qatysty zań ádil ári durys bolýy úshin qoldanystaǵy normaǵa ózgerister men tolyqtyrýlar engizýge bastamashylyq etý – partıanyń alǵa qoıǵan maqsattarynyń biri. Ásirese, ótken jyldyń qańtarynda oryn alǵan osyndaı jaǵdaılardyń qurbany bolǵandardyń quqyǵyn qorǵaý kerek», - dedi Baryshev.
