Respublica پارتياسىنىڭ تەڭ ءتوراعاسى پارتيا قۇرۋدىڭ العى شارتتارىنىڭ ءبىرى ەلدىڭ سالىق زاڭناماسىنداعى كەدەرگىلەردى جويۋ ەكەنىن ايتتى.
وسىلايشا، سپيكەر قاڭتار وقيعاسى كەزىندە قاراقشىلاردان زارداپ شەككەن كاسىپكەرلەر مەملەكەت تاراپىنان قولداۋعا يە بولعانىن اتاپ ءوتتى. الايدا، بۇل قولداۋعا دا سالىق سالىنادى ەكەن.
«ەگەر كاسىپكەرلەر تابيعي اپاتتان زارداپ شەككەن بولسا، وندا ءتيىستى قولداۋعا سالىق سالىنبايتىن ەدى. ءبىراق تالان-تاراجعا تۇسكەن جاعدايدا زاڭنامادا سالىق سالۋ تۋرالى ەرەجە قاراستىرىلعان. سوندىقتان، كاسىپكەرلەرگە قاتىستى زاڭ ءادىل ءارى دۇرىس بولۋى ءۇشىن قولدانىستاعى نورماعا وزگەرىستەر مەن تولىقتىرۋلار ەنگىزۋگە باستاماشىلىق ەتۋ – پارتيانىڭ العا قويعان ماقساتتارىنىڭ ءبىرى. اسىرەسە، وتكەن جىلدىڭ قاڭتارىندا ورىن العان وسىنداي جاعدايلاردىڭ قۇربانى بولعانداردىڭ قۇقىعىن قورعاۋ كەرەك»، - دەدى بارىشيەۆ.
