"Damý" kásipkerlikti damytý qory men Freedom Bank arasynda jasalǵan portfeldik kepildik berý týraly kelisim biznestiń investitsiialyq maqsattaryna 7 mlrd teńgege deiin jáne ainalym qarajatyn tolyqtyrýǵa 3,5 mlrd teńgege deiin qarajat alýǵa múmkindik beredi. Bul rette maquldanǵan somanyń 85%-na deiin (3,5 mlrd teńgege deiin) "Damý" qory kepildik beredi, dep habarlaidy Dalanews.kz.
"Damý" qorymen jasalǵan kelisim bizneske damýǵa qosymsha múmkindikter beredi. Bizdiń bank ekonomikanyń kóptegen salasyn qamtityn jobanyń qatysýshysy bolǵanyna qýanyshtymyz. Basym baǵyttardyń qatarynda – aýyl sharýashylyǵy, densaýlyq saqtaý, óńdeý jáne ken óndirý ónerkásibi, bilim berý jáne basqa da salalar. Qarjylandyrýdy usyný bizneske tek ainalymdy ulǵaityp, innovatsiialardy engizýge ǵana emes, sonymen qatar óńirlerde jańa jumys oryndaryn qurýǵa da múmkindik beredi", - deidi Freedom Bank direktorlar keńesiniń múshesi Aidos Jumaǵulov.
Kepildik alý úshin kásipkerler Freedom Bank-tiń eń jaqyn bólimshesine júginse bolǵany. Kepildik merzimi nesie merziminiń búkil ýaqytyna beriledi. Sondai-aq, nesie maqsaty retinde qaita qarjylandyrý da qarastyrylýy múmkin.⠀
"Fridom Bank Qazaqstan" AQ - jeke jáne zańdy tulǵalarǵa tsifrlyq qarjy ónimderi men qyzmetterin usynatyn Qazaqstannyń innovatsiialyq banki. Bank ipotekalyq nesie, avtonesie jáne bizneske arnalǵan nesielerdi alý protsesin tsifrlandyrǵan. Qazaqstannyń iri qalalarynda 16 filialy bar. Bank qarjy qyzmetin, brokerlik bólshek operatsiialardy, baǵaly qaǵazdar saýdasyn, investitsiialyq-banktik jáne anderraitingtik qyzmetterdi júzege asyratyn Freedom Holding Corp holdinginiń bir bóligi bolyp tabylady. Búginderi holdingtiń jai aktsiialary Nasdaq Capital Market jáne Qazaqstan qor birjasynda saýdalanady.
