Kásipkerlerdi 126 mıllıon teńgege aldaǵan alaıaq Qyrǵyzstanda ustalyp, Qazaqstanǵa ekstradısıalandy, dep habarlaıdy Dalanews.kz.
Almaty oblysynyń aýmaǵynda birqatar alaıaqtyq áreketter jasaǵany úshin kúdikti Bas prokýratýrasynyń suraý salý boıynsha Qyrǵyz Respýblıkasynan ekstradısıalandy.
Tergeý barysynda 2019–2022 jyldar aralyǵynda qaskúnemniń aldyn ala sóz baılasý arqyly ózge adamdarmen birge óńirdegi eń iri azyq-túlik bazarlarynyń birinde saýda býtıkterin satý syltaýymen azamattardy júıeli túrde aldap kelgeni anyqtaldy. Alaıaqtyq áreketteriniń nátıjesinde ol 11 kásipkerdiń jalpy 126 mıllıon teńge kólemindegi qarajatyn ıemdengen.
Qylmystardy jasaǵannan keıin kúdikti quqyq qorǵaý organdarynan jasyrynyp, halyqaralyq izdeýge jarıalanǵan. Qazaqstan men Qyrǵyzstannyń quzyretti organdarynyń ózara tıimdi is-qımylynyń nátıjesinde bıylǵy tamyz aıynda ol Bishkek qalasynda ustaldy. Qazaqstan Respýblıkasy Bas prokýratýrasynyń resmı suraýy negizinde ol qylmystyq jaýaptylyqqa tartý úshin belgilengen tártippen eline ekstradısıalandy.
Qazirgi ýaqytta kúdikti tergeý ızolátoryna qamaldy. Qylmystyq zańmen aıyptalǵan áreket úshin múlki tárkilenip, 5 jyldan 10 jylǵa deıingi merzimge bas bostandyǵynan aıyrý jazasy qarastyrylǵan.
