Jeke investorlar Túrkistan qalasynda biznes ashyp, kásibin dóńgeletýge nietti. Olardyń qatary kún sanap artyp keledi. Elimizdiń túkpir-túkpirinen qyzyǵýshylyq tanytyp otyrǵan azamattar oblysta kásip ashýǵa jasalǵan jaǵdaidyń qolaily ekenin alǵa tartady. Kásipkerler avtosalon, jekemenshik emhana, saýyqtyrý keshenderi men sport keshenderin salýǵa qyzyǵýshylyq tanytyp otyr, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysynyń ákimi Darhan Satybaldynyń tóraǵalyǵymen ótken jinalysta oblys ortalyǵynda jańadan salynatyn jobalar tanystyrylyp, qurylysy júrip jatqan jańa nysandardyń sáýletine qatysty talqylaý ótkizildi.
Túrkistan qalasynda salynatyn jańa ǵimarattardyń syrtqy árleý jumysy, ishki dizainy men syrtqy kórinisine qatysty sáýlettik úlgiler usynyldy. Oǵan jaýapty basqarma basshylary, sáýletshiler, qala ákimdigi men ózge de mekemelerdiń basshylary qatysty.
Oblys ákimi árbir nysannyń qurylysy turaqty baqylaýda bolatynyn aityp, jańa nysan salýǵa bel býǵan jeke investorlarǵa bastaǵan qurylysty orta joldan aiaqsyz tastaýǵa bolmaitynyn qatal eskertti. Sapa men qurylys merziminiń qatań saqtalatynyn jetkizdi.
– Túrkistanda biznes ashýǵa kelgen jeke kásipkerler óz isterine asa jaýapkershilikpen qarasa igi. Memleketten jerin alyp, bastaǵan isti orta joldan aiaqtaýsyz qaldyrýǵa jol berilmeidi. Túrkistannyń árbir nysany talapqa sai bolýy tiis. Bastalǵan qurylys merzimine sáikes ýaqytta aiaqtalýy qatań baqylaýda bolady. Qurylys pen abattandyrý jumystary úilesimdi atqarylýy tiis Qurylys salasynyń sońǵy tehnologiialary qoldanylǵan jón, – dedi Darhan Satybaldy.
"Ákimshilik-iskerlik ortalyǵy" men mádeni-rýhani ortalyq mańyndaǵy barlyq jobalar turaqty baqylaýda. Jiynda usynysyn tanystyrǵan kásipker Túrkistan qalasynda avtosalon salýǵa nietti. Joba iske asqan jaǵdaida 120 adam turaqty jumyspen qamtylady. Kásipker araǵa ýaqyt salyp, kásibin ulǵaitýdy kózdeidi.
Endi bir joba – saýyqtyrý ortalyǵy. Kásipker onyń syrtqy kelbetine erekshe mán berip, abattandyrýyna atsalysatyn boldy. «Jańa qala» aýmaǵynda qurylysy bastalǵan 9 qabatty 7 kópqabatty turǵyn úi kesheniniń qastebine qatysty birneshe úlgi usynyldy. Mamandardyń usynystary tyńdaldy.
Baspanalardyń qasbeti ulttyq naqyshta bezendirilýi tiis. Sonymen birge otyrysta modýldi úiler salý, jekemenshik emhana salý, sport keshenin salýǵa niettiler ózderiniń jobalaryn tanystyrdy. Jiyndy qorytyndylaǵan Darhan Satybaldy árbir joba tereńinen zerdelenip, eki tarapqa da utymdy sheshim shyǵarylý kerektigin aitty.
