جەكە ينۆەستورلار تٷركٸستان قالاسىندا بيزنەس اشىپ, كەسٸبٸن دٶڭگەلەتۋگە نيەتتٸ. ولاردىڭ قاتارى كٷن ساناپ ارتىپ كەلەدٸ. ەلٸمٸزدٸڭ تٷكپٸر-تٷكپٸرٸنەن قىزىعۋشىلىق تانىتىپ وتىرعان ازاماتتار وبلىستا كەسٸپ اشۋعا جاسالعان جاعدايدىڭ قولايلى ەكەنٸن العا تارتادى. كەسٸپكەرلەر اۆتوسالون, جەكەمەنشٸك ەمحانا, ساۋىقتىرۋ كەشەندەرٸ مەن سپورت كەشەندەرٸن سالۋعا قىزىعۋشىلىق تانىتىپ وتىر, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
تٷركٸستان وبلىسىنىڭ ەكٸمٸ دارحان ساتىبالدىنىڭ تٶراعالىعىمەن ٶتكەن جينالىستا وبلىس ورتالىعىندا جاڭادان سالىناتىن جوبالار تانىستىرىلىپ, قۇرىلىسى جٷرٸپ جاتقان جاڭا نىسانداردىڭ سەۋلەتٸنە قاتىستى تالقىلاۋ ٶتكٸزٸلدٸ.
تٷركٸستان قالاسىندا سالىناتىن جاڭا عيماراتتاردىڭ سىرتقى ەرلەۋ جۇمىسى, ٸشكٸ ديزاينى مەن سىرتقى كٶرٸنٸسٸنە قاتىستى سەۋلەتتٸك ٷلگٸلەر ۇسىنىلدى. وعان جاۋاپتى باسقارما باسشىلارى, سەۋلەتشٸلەر, قالا ەكٸمدٸگٸ مەن ٶزگە دە مەكەمەلەردٸڭ باسشىلارى قاتىستى.
وبلىس ەكٸمٸ ەربٸر نىساننىڭ قۇرىلىسى تۇراقتى باقىلاۋدا بولاتىنىن ايتىپ, جاڭا نىسان سالۋعا بەل بۋعان جەكە ينۆەستورلارعا باستاعان قۇرىلىستى ورتا جولدان اياقسىز تاستاۋعا بولمايتىنىن قاتال ەسكەرتتٸ. ساپا مەن قۇرىلىس مەرزٸمٸنٸڭ قاتاڭ ساقتالاتىنىن جەتكٸزدٸ.
– تٷركٸستاندا بيزنەس اشۋعا كەلگەن جەكە كەسٸپكەرلەر ٶز ٸستەرٸنە اسا جاۋاپكەرشٸلٸكپەن قاراسا يگٸ. مەملەكەتتەن جەرٸن الىپ, باستاعان ٸستٸ ورتا جولدان اياقتاۋسىز قالدىرۋعا جول بەرٸلمەيدٸ. تٷركٸستاننىڭ ەربٸر نىسانى تالاپقا ساي بولۋى تيٸس. باستالعان قۇرىلىس مەرزٸمٸنە سەيكەس ۋاقىتتا اياقتالۋى قاتاڭ باقىلاۋدا بولادى. قۇرىلىس پەن اباتتاندىرۋ جۇمىستارى ٷيلەسٸمدٸ اتقارىلۋى تيٸس قۇرىلىس سالاسىنىڭ سوڭعى تەحنولوگييالارى قولدانىلعان جٶن, – دەدٸ دارحان ساتىبالدى.
"ەكٸمشٸلٸك-ٸسكەرلٸك ورتالىعى" مەن مەدەني-رۋحاني ورتالىق ماڭىنداعى بارلىق جوبالار تۇراقتى باقىلاۋدا. جيىندا ۇسىنىسىن تانىستىرعان كەسٸپكەر تٷركٸستان قالاسىندا اۆتوسالون سالۋعا نيەتتٸ. جوبا ٸسكە اسقان جاعدايدا 120 ادام تۇراقتى جۇمىسپەن قامتىلادى. كەسٸپكەر اراعا ۋاقىت سالىپ, كەسٸبٸن ۇلعايتۋدى كٶزدەيدٸ.
ەندٸ بٸر جوبا – ساۋىقتىرۋ ورتالىعى. كەسٸپكەر ونىڭ سىرتقى كەلبەتٸنە ەرەكشە مەن بەرٸپ, اباتتاندىرۋىنا اتسالىساتىن بولدى. «جاڭا قالا» اۋماعىندا قۇرىلىسى باستالعان 9 قاباتتى 7 كٶپقاباتتى تۇرعىن ٷي كەشەنٸنٸڭ قاستەبٸنە قاتىستى بٸرنەشە ٷلگٸ ۇسىنىلدى. مامانداردىڭ ۇسىنىستارى تىڭدالدى.
باسپانالاردىڭ قاسبەتٸ ۇلتتىق ناقىشتا بەزەندٸرٸلۋٸ تيٸس. سونىمەن بٸرگە وتىرىستا مودۋلدٸ ٷيلەر سالۋ, جەكەمەنشٸك ەمحانا سالۋ, سپورت كەشەنٸن سالۋعا نيەتتٸلەر ٶزدەرٸنٸڭ جوبالارىن تانىستىردى. جيىندى قورىتىندىلاعان دارحان ساتىبالدى ەربٸر جوبا تەرەڭٸنەن زەردەلەنٸپ, ەكٸ تاراپقا دا ۇتىمدى شەشٸم شىعارىلۋ كەرەكتٸگٸن ايتتى.
