Jambyl oblysynda «Ejelgi Taraz eskertkishteri» tarihi-mádeni qoryq-mýzeii bes kásipkerge qarsy sotqa talap aryz berip, zańsyz ielengen ǵimarattardy bosatýdy talap etti, dep habarlaidy Dalanews.kz.
Mýzei-qoryqtyń ieliginde «Aisha-Bibi» kesenesi bar, oǵan 2 gektar jer ýchaskesi turaqty jer paidalaný quqyǵymen bekitilgen. Bul aýmaq ákimniń sheshimimen tarihi-mádeni jáne rekreatsiialyq maqsattaǵy erekshe qorǵalatyn tabiǵi aimaq retinde belgilengen.
Alaida bul aýmaqta birneshe tehnikalyq ǵimarattar salynǵan, al bes kásipker olardy zańsyz iemdenip, kommertsiialyq qyzmetpen ainalysyp kelgen. Jaýapkerlerdiń saýda jasaýǵa ruqsat qujattary da, ǵimarattardy kásipkerlik maqsatta paidalanýǵa quqyǵy da bolmaǵan.
Tórt kásipker talapty moiyndamaǵan. Olardyń biri bul ǵimarattardy 2010 jyly óz qarajatyna salyp, keiin saýda jasaý úshin tegin paidalanýǵa bergenin alǵa tartty. Al besinshi jaýapker sot talaptaryn moiyndaǵan.
Jambyl aýdandyq soty kásipkerlerdiń qoryq-mýzeige tiesili ǵimarattardy zańsyz iemdengenin anyqtap, talap qoiýdy qanaǵattandyrdy. Sot kásipkerlerge atalǵan úi-jailardy bosatýdy mindettedi.
Jaýapkerler bul sheshimge apelliatsiialyq shaǵym túsirgenimen, Jambyl oblystyq soty birinshi satydaǵy sottyń tujyrymymen kelisip, sheshimdi ózgerissiz qaldyrdy. Qaýly zańdy kúshine endi.
