Almaty qalasynyń "Almaty bas jospary" alańynda kásipkerlermen biznesti qorǵaý máselesi boiynsha kezdesý ótti. Is-sharaǵa Almaty qalasy ákiminiń orynbasary Álisher Ábdiqadyrov, QR Sybailas jemqorlyqqa qarsy is-qimyl agenttiginiń preventsiia qyzmetiniń basshysy Saian Ahmetjanov, memlekettik organdardyń basshylary jáne túrli qyzmet salalary boiynsha biznes ókilderi qatysty.
Álisher Ábdiqadyrovtyń aitýynsha, sybailas jemqorlyq kórinisterine "múldem tózbeýshilikti" qalyptastyrý boiynsha birlesken kúsh-jiger qajet.
"Memleket basshysynyń tapsyrmasy aiasynda búginde zańǵa baǵynatyn, básekege qabiletti biznesti sybailas jemqorlyq kórinisterinen qorǵaý boiynsha jan-jaqty sharalar qabyldaý qajet. Árbir memlekettik qyzmetshi sybailas jemqorlyq pen paraqorlyq úshin negizdi joiý boiynsha qadamdar jasaýy tiis", - dep atap ótti Almaty ákiminiń orynbasary Álisher Ábdiqadyrov.
Óz kezeginde, preventsiia qyzmetiniń basshysy Saian Ahmetjanov sybailas jemqorlyqqa qarsy kúres memlekettik saiasattyń strategiialyq basymdyǵy ekenin aityp, qalanyń biznes ahýalyn jaqsartý maqsatynda odan ári tabysty yntymaqtastyqqa úmit bildirdi.
Kezdesý sońynda kásipkerlerdiń problemalyq máseleleri talqylandy, memlekettik organdardyń ókilderine ákimshilik kedergilerdi joiý jáne memlekettik qyzmetshiler arasynda sybailas jemqorlyq faktilerine jol bermeý boiynsha birqatar tapsyrmalar berildi.
Keńeske qatysýshylar biznes-qoǵamdastyqtyń barlyq aitylǵan ideialary men usynystary eskeriletinin atap ótti.
