Túrkistan oblysy, Báıdibek aýdanynyń azamaty, kásipker Sábıt Moldabekov jańa oqý jyly qarsańynda Borlysaı aýyldyq okrýgine qarasty Qoshqarata, Keńsaı eldi mekenderindegi turmys jaǵdaıy tómen 20 otbasynyń balalaryna arnap mektepke qajetti oqý quraldaryn syılady, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Jerlesterine qol ushyn sozǵan azamat Borlysaı aýyldyq okrýginde týylǵan. Qazirgi tańda Almaty qalasynda turatyn kásipker ózi týyp-ósken aýyl-aımaqqa ıgilikti is jasap júrgen azamattardyń biri.

Ol jyl saıyn óziniń týǵan jeri Borlysaı aýyldyq okrýgindegi turmysy tómen otbasylarǵa demeýshilik jasap, kómek qolyn sozyp, qoldaý bildirip keledi. Týǵan jerinen jyraqta júrse de, jerlesterin umytpaı, árdaıym demeýshilik jasap, Borlysaı aýyldyq okrýginiń damýyna óz úlesin qosyp otyrǵan azamat Sábıt Moldabekovke jerlesteriniń alǵysy sheksiz.