تۇركىستان وبلىسى، بايدىبەك اۋدانىنىڭ ازاماتى، كاسىپكەر ءسابيت مولدابەكوۆ جاڭا وقۋ جىلى قارساڭىندا بورلىساي اۋىلدىق وكرۋگىنە قاراستى قوشقاراتا، كەڭساي ەلدى مەكەندەرىندەگى تۇرمىس جاعدايى تومەن 20 وتباسىنىڭ بالالارىنا ارناپ مەكتەپكە قاجەتتى وقۋ قۇرالدارىن سىيلادى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

جەرلەستەرىنە قول ۇشىن سوزعان ازامات بورلىساي اۋىلدىق وكرۋگىندە تۋىلعان. قازىرگى تاڭدا الماتى قالاسىندا تۇراتىن كاسىپكەر ءوزى تۋىپ-وسكەن اۋىل-ايماققا يگىلىكتى ءىس جاساپ جۇرگەن ازاماتتاردىڭ ءبىرى.

ول جىل سايىن ءوزىنىڭ تۋعان جەرى بورلىساي اۋىلدىق وكرۋگىندەگى تۇرمىسى تومەن وتباسىلارعا دەمەۋشىلىك جاساپ، كومەك قولىن سوزىپ، قولداۋ ءبىلدىرىپ كەلەدى. تۋعان جەرىنەن جىراقتا جۇرسە دە، جەرلەستەرىن ۇمىتپاي، ءاردايىم دەمەۋشىلىك جاساپ، بورلىساي اۋىلدىق وكرۋگىنىڭ دامۋىنا ءوز ۇلەسىن قوسىپ وتىرعان ازامات ءسابيت مولدابەكوۆكە جەرلەستەرىنىڭ العىسى شەكسىز.