Sarqan qalasynyń turǵyny, jeke kásipker Baýyrjan Serbaev 3000 bas sheteldik «Loman ýait» tuqymdy taýyqtaryn asyrap, jergilikti turǵyndarǵa qoljetimdi baǵada jumyrtqa saýdalap otyr. Kásipker bul isti biyl óziniń jeke qarajatyna bastaǵan, - dep habarlaidy , – dep habarlaidy Dalanews.kz Jetisý oblysy ákiminiń baspasóz qyzmetine silteme jasap.
Buǵan deiin de «Serbaev» JK iesi aýyl sharýashylyǵymen ainalysyp, kásipten qol úzbegen jan. Bir kezde taýyq ósirip te kórgen. Biraq biyl jumyrtqa baǵasynyń tiimdiligin eskerip, sheteldik taýyq ósirýmen ainalysýǵa bel býǵan. Qazir 250 sharshy metr orynda taýyq fermasy jumys istep tur.
– Almatydan arnaiy baryp sheteldik 3 myń bas taýyq satyp ákeldim. Oǵan qosa taýyq fermasyna qajetti qural-jabdyqtar ákelip ornattym. Taýyqtyń bul tuqymy – negizinen jumyrtqa beretin túri. Qazir kúnine orta eseppen 2 myń jumyrtqa alyp otyrmyn. Ony Sarqan aýdany kólemindegi 20 shaqty dúkenge ótkizemin. Ózimniń jeke dúkenim bar, onda da saýdaǵa shyǵaramyn. Iriktelgen iri jumyrtqanyń 1 danasy 50 teńgeden satylady, odan kishileriniń baǵasy tiisinshe tómen, – deidi Baýyrjan Serbaev.
Osylaisha naryqta básekelestik týdyrý arqyly áleýmettik mańyzy bar azyq-túlik sanatyna jatatyn taýar baǵasynyń tómendeýine, aýyldastaryn jumyspen qamtýǵa jáne halyqqa ekologiialyq taza ónim usynýǵa Serbaev Baýyrjan siiaqty jergilikti kásipkerler óz úlesin qosyp keledi.
