سارقان قالاسىنىڭ تۇرعىنى، جەكە كاسىپكەر باۋىرجان سەربايەۆ 3000 باس شەتەلدىك «لومان ۋايت» تۇقىمدى تاۋىقتارىن اسىراپ، جەرگىلىكتى تۇرعىندارعا قولجەتىمدى باعادا جۇمىرتقا ساۋدالاپ وتىر. كاسىپكەر بۇل ءىستى بيىل ءوزىنىڭ جەكە قاراجاتىنا باستاعان، - دەپ حابارلايدى ، – دەپ حابارلايدى Dalanews.kz جەتىسۋ وبلىسى اكىمىنىڭ باسپا ءسوز قىزمەتىنە سىلتەمە جاساپ.

بۇعان دەيىن دە «سەربايەۆ» جك يەسى اۋىل شارۋاشىلىعىمەن اينالىسىپ، كاسىپتەن قول ۇزبەگەن جان. ءبىر كەزدە تاۋىق ءوسىرىپ تە كورگەن. ءبىراق بيىل جۇمىرتقا باعاسىنىڭ تيىمدىلىگىن ەسكەرىپ، شەتەلدىك تاۋىق وسىرۋمەن اينالىسۋعا بەل بۋعان. ءقازىر 250 شارشى مەتر ورىندا تاۋىق فەرماسى جۇمىس ىستەپ تۇر.

– الماتىدان ارنايى بارىپ شەتەلدىك 3 مىڭ باس تاۋىق ساتىپ اكەلدىم. وعان قوسا تاۋىق فەرماسىنا قاجەتتى قۇرال-جابدىقتار اكەلىپ ورناتتىم. تاۋىقتىڭ بۇل تۇقىمى – نەگىزىنەن جۇمىرتقا بەرەتىن ءتۇرى. ءقازىر كۇنىنە ورتا ەسەپپەن 2 مىڭ جۇمىرتقا الىپ وتىرمىن. ونى سارقان اۋدانى كولەمىندەگى 20 شاقتى دۇكەنگە وتكىزەمىن. ءوزىمنىڭ جەكە دۇكەنىم بار، وندا دا ساۋداعا شىعارامىن. ىرىكتەلگەن ءىرى جۇمىرتقانىڭ 1 داناسى 50 تەڭگەدەن ساتىلادى، ودان كىشىلەرىنىڭ باعاسى تيىسىنشە تومەن، – دەيدى باۋىرجان سەربايەۆ.

كاسىپكەردىڭ ايتۋىنشا، تاۋىققا قاجەتتى بيداي، ارپا، سول سياقتى شەمىشكە مەن سويانىڭ جومى سياقتى جەم-شوپتى نەگىزىنەن جەرگىلىكتى شارۋالاردان الادى. تەك كەيبىر ۆيتاميندەر عانا باسقا قالالاردان اكەلىنەدى. ءقازىر فەرمادا تاۋىق كۇتىمىمەن وزىنەن بولەك 3 ادام اينالىسادى. ولاردىڭ ءبارى ءوز اۋىلداستارى.

وسىلايشا نارىقتا باسەكەلەستىك تۋدىرۋ ارقىلى الەۋمەتتىك ماڭىزى بار ازىق-تۇلىك ساناتىنا جاتاتىن تاۋار باعاسىنىڭ تومەندەۋىنە، اۋىلداستارىن جۇمىسپەن قامتۋعا جانە حالىققا ەكولوگيالىق تازا ءونىم ۇسىنۋعا سەربايەۆ باۋىرجان سياقتى جەرگىلىكتى كاسىپكەرلەر ءوز ۇلەسىن قوسىپ كەلەدى.