Jobanyń maqsaty — Qazaqstandaǵy kásipker áıelderdiń jeke jáne bıznes-áleýetin ashý. Uıymdastyrýshylar retinde «MamaSpace» jeke qory jáne «Pipl» netvorkıng-búrosy bas seriktes – «Shevron» kompanıasynyń qoldaýymen qatysady.
«Umay Rocket jobasyna konkýrstyq irikteýdiń negizgi ólshemderine sáıkes keletin Qazaqstannyń barlyq óńirleriniń kásipker áıelderi qatysa alady. Oqý onlaın ótedi jáne eki — oqytý jáne trekıng bloktarynan turady. Baǵdarlamanyń ataýy ózi týraly aqparatty qamtıdy.
Baǵdarlamadan tolyq ótip, úı tapsyrmalary men bıznes-jattyqtyrýshylardyń tapsyrmalaryn jaýapkershilikpen oryndaǵan qatysýshylar óz isinde keremet jetistikterge qol jetkizedi.
Oqý kezinde qatysýshylar suranysqa ıe ónim jasaı alady, bızneste tabysyn ulǵaıta alady jáne belsene qatysyp, jumyla kirisse, Umay Rocket baǵdarlamasynyń kásibı bıznes-jattyqtyrýshylary men trekerleriniń qoldaýyna ıe bolady», - deıdi Umay Global jobasynyń negizin qalaýshy, TMD men Ortalyq Azıadaǵy áıelder kásipkerligi kúniniń resmı ókili Mereı Mýstafına.
Bıyl uıymdastyrýshylar 200 kásipker áıeldi oqytýdy josparlap otyr. Baǵdarlama kezinde qatysýshylar gıpotezalar qoıý men tekserýge; suranysqa ıe ónim jasaýǵa; qoldanýǵa daıyn mınımaldy ónim (MVP) qurýǵa jáne ıdeıalardy tez testileýge; bıznesti aýqymdaýǵa ári bızneste ósýge úırenedi. Oqý 2021 jyldyń 12 aqpanynda bastalady, baǵdarlamaǵa qatysýǵa ótinimder 2021 jyldyń 8 aqpanyna deıin qabyldanady.
Tolyǵyraq aqparatpen jobanyń rocket.umay.be resmı veb-saıtynda tanysa alasyz.
Baılanys úshin:
Umay Global birge negizin salýshy
Mahabbat Sadvakasova + 7 777 001 21 07
Email: sadva.makka@gmail.com , mamaspace.kz@gmail.com
«Shevron» korporasıasy álemniń jetekshi yqpaldastyrylǵan energetıkalyq kompanıalarynyń biri bolyp tabylady. Biz shıki munaı men tabıǵı gazdy geologıalyq barlaýdy, óndirýdi jáne tasymaldaýdy; kólik otyny men maılaý materıaldaryn qaıta óńdeýdi, ótkizýdi jáne taratýdy; munaı-hımıalyq ónimder men qospalardy óndirý men satýdy júzege asyramyz; sonymen qatar tehnologıalardy damytamyz jáne qoldanamyz. «Shevron» Qazaqstandaǵy jetekshi jeke munaı óndirýshi kompanıa bolyp tabylady ári elimizdiń eń iri eki ken orny – Teńiz jáne Qarashyǵanaq ken oryndarynda aksıalar paketterine ıe. Korporasıa Kaspıı qubyr jelisi konsorsıýmynyń iri jeke aksıoneri bolyp tabylady, sondaı-aq Atyraý qalasynda polıetılen zaýytynyń jáne qubyr jelisi armatýrasy zaýytynyń qyzmetin sátti basqaryp keledi.
