Kezdesý barysynda oblys ákiminiń orynbasary Jeńis Tuıaqov jobanyń júzege asyrylý barysy týraly baıandady. J. Tuıaqovtyń aıtýynsha, kompanıamen kelisimder júrgizý 2016 jyly tamyzda bastalǵan. Qazirgi kezde júzege asyrý barysyndaǵy týyndaǵan máselelerdi sheshýde ilgerileý bar. Búgingi kúni İle aýdanyndaǵy «Bereke» ındýstrıaldy aýmaǵynda zaýyt qurylysy úshin aýmaǵy 25 ga. aýmaq jer bólingen. Memlekettik organdarmen jáne qarjy ınstıtýttarymen birlesken jumys jalǵasyp jatyr.
Óz kezeginde kompanıa ókili - joba jetekshisi Ios Den Boer qazaqstandyq «Eýrazıa» kompanıalar tobymen seriktes bolyp, birlesken qyzmet týraly kelisimshartqa qol qoıylǵanyn jetkizdi.
I. Den Boerdiń aıtýynsha, 2019 jylǵy sáýirdiń basynda zaýyt qurylysyn salý bastalady, 2020 jyldyń qazanynda alǵashqy ónimi alynady dep josparlanǵan. Kompanıa tek kartopty óńdeýmen ǵana emes, óndirýmen de aınalysady.
Joba jetekshisiniń aıtýynsha, «Farm Frits Kazakhstan» JSHS zaýyttyń óńdeıtin kartobyn jergilikti fermerlerden qabyldaýǵa múddelilik tanytyp otyr. Investorlar Qapshaǵaı qalasynda da kartop ósirýdi damytsa jaqsy bolar edi degen usynystaryn da jetkizdi.
Óz kezeginde oblys ákimi Amandyq Batalov bıylǵy jyly kartopty óndiristik deńgeıde ósirý aýyl sharýashylyǵynyń basym baǵyttarynyń biri ekenin atap ótti. Bıylǵy jyly kartop óndirisin damytýǵa barlyq múmkindikteri bar Raıymbek aýdanynda «Jetisý» ÁKK arqyly servıstik-daıyndaý ortalyqtary qurylyp, qajetti tehnıka satyp alyndy. Al sáýirde gektaryna 350 sentnerden ónim beretin, golandıalyq sorttyń 240 tonna sapaly tuqym ákelinedi.
Sonymen qatar Amandyq Batalov zaýyt qúrylysy oblysqa tartylatyn aýqymdy ınvestısıa ǵana emes, eń bastysy jergilikti halyq úshin turaqty jumys orny ári sharýalar úshin ónimin ótkizýge jaqsy múmkindik ekenin aıtty.
– Búgingi kúni bizde oblysta qant qyzylshasy men júgeri sharýashylyǵy jaqsy damyp keledi. Memleket qoldaýynyń arqasynda aýyl sharýashylyǵyn damytýǵa barlyq jaǵdaılar jasalǵan. Bizde sharýalardyń shıkizattaryn qabyldap, daıyn ónim shyǵaratyn zaýyttar bar. Sondyqtan osyndaı iri zaýyt ashylatyn bolsa, óńirdegi kartop óndirisin damytýǵa yqpal eter edi, – dedi A. Batalov.
https://dalanews.kz/34487
