Májilismen sońǵy bir aı ishinde ár jerde memlekettik sheneýnikterdiń el azamattarynyń mobıldik aqsha aýdarymyna salyq salý týraly birneshe qarama-qaıshy málimdeme jasaǵanyn jáne bul bastama kásipkerlerdiń kiristerin jasyrýǵa qarsy kúres retinde usynylǵanyn atap ótti.
Sonymen birge, "Aq jol" parlamenttik fraksıasy kásipkerlerdiń bul arada salyq tóleý mindetinen qashyp otyrmaǵanyn basa aıtty.
Fıskaldyq organdar taǵy da saý basqa saqına tilegenniń kúıin keltirip otyr. Alaıaqtardy maqsatty túrde anyqtaýdyń ornyna olar "keń aýqymdy" ádispen áreket etýdi jón kóredi, ıaǵnı barlyǵyn birdeı mólsherde: adal kásipkerlerdi de, qaralyq jasaıtyn kásipkerlerdi de, tipti esep-aıyrysýda mobıldik qosymshany paıdalanatyn el azamattaryn da birdeı "sypyrmaqshy", - deıdi depýtat.
Sondaı-aq, ol táýekelderdi basqarý júıesine ótkenine kóp bolǵanyna qaramastan, búginderi júzdegen azamattar ózine tıesili emes avtomobılderge nemese jyljymaıtyn múlikke, tipti jınaqtalǵan aıyppuldar boıynsha salyqtyq habarlamalar alatyndyǵyna nazar aýdartty.
El azamattaryn shetelge shyǵarmaı qoıatyn jaǵdaılar jıi kezdesedi, ne úshin deısiz be, ol adamǵa eskertpesten sot oryndaýshylary ony tizimge qoıady, tipti salyqty, qaryzyn tólese de ol adamdy boryshkerler tiziminen syzbaıdy. Sonyń kesirinen qarapaıym azamattar júıkesin tozdyryp, ýaqytyn joǵaltady, memlekettik organnyń málimetter bazasyndaǵy derektiń jańsaq ekenin dáleldeý úshin sabylyp, sarsylady, quqyqtary taptalady, - dep ashýlandy depýtat.
Maqsat Ramanqulovtyń aıtýynsha, pandemıa búkil eldegi, atap aıtqanda, densaýlyq saqtaý, bilim berý, áleýmettik qorǵaý salalaryndaǵy otandyq sıfrlandyrýdyń sátsizdikterin kórsetti, al sizdiń organnyń jaǵdaıy olardan máz emes.
Bul segmenttegi jalpy baqylaý, ásirese bul kartalar men elektrondy ámıandardy buǵattaýmen jáne basqa tyıymdarmen baılanysty bolsa, al otandyq salyq organdarynyń qolynan basqa eshnárse kelmeıdi, bul tipti jaqsy bolady, al mundaı sharalar qarjy sektoryndaǵy sıfrlandyrýǵa keri áser etip, ony nasharlatýy múmkin. Bul bólshek saýdagerlerdi elektrondy tólemderden bas tartýǵa jáne myj-myj kasalyq qaǵazdarǵa qaıta oralýǵa májbúr etedi, - dedi ol bul tásil SHOB aınalymynyń, ásirese qyzmet kórsetý salasynyń orasan quldyraýyna ákeletinin túsindirip.
Eger salyq organdary shynymen de alaıaqtardy ustap, búdjetti toltyrǵysy kelse, onda olar adal eńbekpen aınalysatyndardan emes, jemqor sheneýnikterdi ustap, ofshorlyq esepshottardan halyqtan urlanǵan qarajatty qaıtaryp alsyn, - dedi ol.
"Aq jol" fraksıasynyń músheleri Memleket basshysynyń shaǵyn jáne orta bıznesti salyqtan bosatatynyn, al fıskaldy organdar, kerisinshe pandemıaǵa qaramastan "tiri qalǵandardy" tunshyqtyrýǵa daıyn ekenin jetkizdi.
Qarapaıym adamdarǵa qatysty qoldanylsa, bul tásil - óte ádiletsiz, óıtkeni salyq paıdaǵa salynýy kerek, al azamattar kartochka arqyly jalaqy alady, odan onsyz da salyq ustalyp qalǵan nemese bankterge qaıtarýy tıis nesıeleri bolady.
Sonymen qatar, depýtattar atap ótkendeı, salyqtyń jańa túrin engizý taýarlar men qyzmetter baǵasynyń ósýine ákeletinin eskerý qajet. Demek, Memlekettik kirister komıtetiniń mundaı sharasy qarapaıym azamattarǵa áser etpeıdi degen ýájderi shyndyqqa sáıkes kelmeıdi.
Osyǵan baılanysty "Aq jol" parlamenttik fraksıasy Qarjy mınıstrliginen onlaın aqsha aýdarymdary boıynsha salyq salý josparlary, sondaı-aq naqty ekonomıkalyq esepteýler jáne ony júzege asyrýdyń negizderi týraly resmı túsinikteme suraıdy.
