ماجىلىسمەن سوڭعى ءبىر اي ىشىندە ءار جەردە مەملەكەتتىك شەنەۋنىكتەردىڭ ەل ازاماتتارىنىڭ موبيلدىك اقشا اۋدارىمىنا سالىق سالۋ تۋرالى بىرنەشە قاراما-قايشى مالىمدەمە جاساعانىن جانە بۇل باستاما كاسىپكەرلەردىڭ كىرىستەرىن جاسىرۋعا قارسى كۇرەس رەتىندە ۇسىنىلعانىن اتاپ ءوتتى.
سونىمەن بىرگە، "اق جول" پارلامەنتتىك فراكسياسى كاسىپكەرلەردىڭ بۇل ارادا سالىق تولەۋ مىندەتىنەن قاشىپ وتىرماعانىن باسا ايتتى.
فيسكالدىق ورگاندار تاعى دا ساۋ باسقا ساقينا تىلەگەننىڭ كۇيىن كەلتىرىپ وتىر. الاياقتاردى ماقساتتى تۇردە انىقتاۋدىڭ ورنىنا ولار "كەڭ اۋقىمدى" ادىسپەن ارەكەت ەتۋدى ءجون كورەدى، ياعني بارلىعىن بىردەي مولشەردە: ادال كاسىپكەرلەردى دە، قارالىق جاسايتىن كاسىپكەرلەردى دە، ءتىپتى ەسەپ-ايىرىسۋدا موبيلدىك قوسىمشانى پايدالاناتىن ەل ازاماتتارىن دا بىردەي "سىپىرماقشى"، - دەيدى دەپۋتات.
سونداي-اق، ول تاۋەكەلدەردى باسقارۋ جۇيەسىنە وتكەنىنە كوپ بولعانىنا قاراماستان، بۇگىندەرى جۇزدەگەن ازاماتتار وزىنە تيەسىلى ەمەس اۆتوموبيلدەرگە نەمەسە جىلجىمايتىن مۇلىككە، ءتىپتى جيناقتالعان ايىپپۇلدار بويىنشا سالىقتىق حابارلامالار الاتىندىعىنا نازار اۋدارتتى.
ەل ازاماتتارىن شەتەلگە شىعارماي قوياتىن جاعدايلار ءجيى كەزدەسەدى، نە ءۇشىن دەيسىز بە، ول ادامعا ەسكەرتپەستەن سوت ورىنداۋشىلارى ونى تىزىمگە قويادى، ءتىپتى سالىقتى، قارىزىن تولەسە دە ول ادامدى بورىشكەرلەر تىزىمىنەن سىزبايدى. سونىڭ كەسىرىنەن قاراپايىم ازاماتتار جۇيكەسىن توزدىرىپ، ۋاقىتىن جوعالتادى، مەملەكەتتىك ورگاننىڭ مالىمەتتەر بازاسىنداعى دەرەكتىڭ جاڭساق ەكەنىن دالەلدەۋ ءۇشىن سابىلىپ، سارسىلادى، قۇقىقتارى تاپتالادى، - دەپ اشۋلاندى دەپۋتات.
ماقسات رامانقۇلوۆتىڭ ايتۋىنشا، پاندەميا بۇكىل ەلدەگى، اتاپ ايتقاندا، دەنساۋلىق ساقتاۋ، ءبىلىم بەرۋ، الەۋمەتتىك قورعاۋ سالالارىنداعى وتاندىق سيفرلاندىرۋدىڭ ساتسىزدىكتەرىن كورسەتتى، ال ءسىزدىڭ ورگاننىڭ جاعدايى ولاردان ءماز ەمەس.
بۇل سەگمەنتتەگى جالپى باقىلاۋ، اسىرەسە بۇل كارتالار مەن ەلەكتروندى ءاميانداردى بۇعاتتاۋمەن جانە باسقا تىيىمدارمەن بايلانىستى بولسا، ال وتاندىق سالىق ورگاندارىنىڭ قولىنان باسقا ەشنارسە كەلمەيدى، بۇل ءتىپتى جاقسى بولادى، ال مۇنداي شارالار قارجى سەكتورىنداعى سيفرلاندىرۋعا كەرى اسەر ەتىپ، ونى ناشارلاتۋى مۇمكىن. بۇل بولشەك ساۋداگەرلەردى ەلەكتروندى تولەمدەردەن باس تارتۋعا جانە مىج-مىج كاسسالىق قاعازدارعا قايتا ورالۋعا ءماجبۇر ەتەدى، - دەدى ول بۇل ءتاسىل شوب اينالىمىنىڭ، اسىرەسە قىزمەت كورسەتۋ سالاسىنىڭ وراسان قۇلدىراۋىنا اكەلەتىنىن ءتۇسىندىرىپ.
ەگەر سالىق ورگاندارى شىنىمەن دە الاياقتاردى ۇستاپ، بيۋدجەتتى تولتىرعىسى كەلسە، وندا ولار ادال ەڭبەكپەن اينالىساتىنداردان ەمەس، جەمقور شەنەۋنىكتەردى ۇستاپ، وففشورلىق ەسەپشوتتاردان حالىقتان ۇرلانعان قاراجاتتى قايتارىپ السىن، - دەدى ول.
"اق جول" فراكسياسىنىڭ مۇشەلەرى مەملەكەت باسشىسىنىڭ شاعىن جانە ورتا بيزنەستى سالىقتان بوساتاتىنىن، ال فيسكالدى ورگاندار، كەرىسىنشە پاندەمياعا قاراماستان "ءتىرى قالعانداردى" تۇنشىقتىرۋعا دايىن ەكەنىن جەتكىزدى.
قاراپايىم ادامدارعا قاتىستى قولدانىلسا، بۇل ءتاسىل - وتە ادىلەتسىز، ويتكەنى سالىق پايداعا سالىنۋى كەرەك، ال ازاماتتار كارتوچكا ارقىلى جالاقى الادى، ودان ونسىز دا سالىق ۇستالىپ قالعان نەمەسە بانكتەرگە قايتارۋى ءتيىس نەسيەلەرى بولادى.
سونىمەن قاتار، دەپۋتاتتار اتاپ وتكەندەي، سالىقتىڭ جاڭا ءتۇرىن ەنگىزۋ تاۋارلار مەن قىزمەتتەر باعاسىنىڭ وسۋىنە اكەلەتىنىن ەسكەرۋ قاجەت. دەمەك، مەملەكەتتىك كىرىستەر كوميتەتىنىڭ مۇنداي شاراسى قاراپايىم ازاماتتارعا اسەر ەتپەيدى دەگەن ۋاجدەرى شىندىققا سايكەس كەلمەيدى.
وسىعان بايلانىستى "اق جول" پارلامەنتتىك فراكسياسى قارجى مينيسترلىگىنەن ونلاين اقشا اۋدارىمدارى بويىنشا سالىق سالۋ جوسپارلارى، سونداي-اق ناقتى ەكونوميكالىق ەسەپتەۋلەر جانە ونى جۇزەگە اسىرۋدىڭ نەگىزدەرى تۋرالى رەسمي تۇسىنىكتەمە سۇرايدى.
