Olardyń áleýmettenýi syrtqy ortadaǵy dostary men qurbylarymen birge bolǵandyqtan, oqshaýlaný ata-anamen birge bolýdy agressiiamen qabyldaidy. Shekteýlerge qarsylyq bildirip konflik týyndaidy. Bul konflikt otbasylyq deńgeide, qoǵamdyq talaptardy moiyndamaý jáne óz-ózine kóńili tolmaýshylyq, ishtei mazasyzdyq kórinisterinde baiqalýy múmkin. Nevrotikalyq buzylýlary bar, panikalyq úreii qorqynyshy bar adamdar jaǵdaidyń nasharlaýyn sezinedi.
Karantin kezindegi «Virýs qorqynyshty ma, joq pa? Ne bolyp jatyr?» degen siiaqty túsiniksiz suraqtar adamdy stresstik jaǵdaiǵa alyp keledi. Onyń ústine BAQ-ty tańerteńnen keshke deiin tyńdaý da jaǵymsyz áser týǵyzady. Bul máseleler adamdardyń turaqsyz psihikasyn odan ári keńeitip, úrei týǵyzady.
Karantin - bul óz ómirine jańa jáne qyzyqty ideia engizýge bolatyn ýaqyt, oǵan kúndelikti ómirde ýaqyt jetpegen. Aqyrynda, iaǵni ózin-ózi damytý jáne shyǵarmashylyq úshin keńistik. Bul úshin kóptegen tegin saittar bar: tigýge jáne daiyndaýǵa úirený, aǵylshyn tilin úirený jáne gitarany meńgerý, óz mamandyǵy boiynsha vebinardy tyńdaý, vebinar ótkizý. Sonymen qatar, karantin - kitap oqý jáne filmderdi kórý ýaqyty. Internet jelisi arqyly biz álemniń uly murajailaryna baryp, tanymal ánshilerdi tyńdai alamyz, spektaklder men operalardy kóre alamyz.
Biz sizderge karantin men koronavirýsqa qarama - qarsy kózqarastardy súlgiden ótkizip, resmi aqparattardy ǵana qabyldaýǵa shaqyramyz. Úkimettiń usynystary men jarlyqtaryn ózin-ózi oqshaýlaý rejimin, maskalyq rejimdi jáne t.b. oryndaýda áleýmettik jaýapkershilik sezimi sizdiń óz densaýlyńyǵyz ben jaqyndaryńyzǵa degen qamqorlyǵyńyz ekenin esten shyǵarmaǵanyńyz abzal. Sonymen qatar psihologiialyq keńesterge de nazar aýdara júrińiz.
1.Úide jattyǵý jasaý;
2.Jaqsy kitaptar oqý;
3.Taza aýada serýendeý (distantsiiany saqtaýdy eskere otyryp);
4.Bolashaqtaǵy mamandyqty igerýdegi josparlaryńyz týraly smart maqsattarmen jumys jasaý;
5.Fizikalyq belsendilik stressti azaitady;
6.Virýsty juqtyryp alamyn degen oiǵa blokirovka jasap, ony pozitivti oimen almastyrý;
- Emotsiialaryńyzdy túsinýge tyrysyńyz.
Mysaly, sizge ata-anańyz birneshe ret kelip onlain rejimde sabaǵyńyzdy qalai oqyp jatqanyńyz jaily suraidy.Siz qatty ashýlanyp, artyq sóz aityp qoia jazdaisyz. Osy sezimińizben júmys jasaý, emotsiiany basqara alýǵa kómektesedi.
Karantin jaǵdaiyndaǵy mazasyzdyq, depressiia, qorqynysh, úrei-bul jaǵymsyz sitýatsiiaǵa adamnyń qalypty reaktsiiasy. Ózińizdiń emotsiialaryńyzdy basqara almaityn bolsańyz, tegin psihologiialyq kómek alý úshin Abai ýniversitetiniń mamandaryna habarlassańyz bolady.
