Taldyqorǵanda qalalyq politsiianyń burynǵy basshysy Marat Kúshtibaevqa qatysty apelliatsiialyq sottyń sheshimi jariialandy, - dep habarlaidy Dalanews.kz Tengrinews.kz-ke silteme jasap.
Jetisý oblystyq sotynyń qylmystyq ister jónindegi apelliatsiialyq alqasy buryn qyz zorlaý deregi boiynsha sottalǵan burynǵy joǵary shendi politsiia qyzmetkerine qatysty úkimdi ózgerissiz qaldyrdy.
Kabinetinde qyz zorlaǵany úshin 11 jylǵa sottalǵan Taldyqorǵan politsiiasynyń eks-basshysy Marat Kúshtibaev úkimmen kelispeitinin aityp, 17 shildede sotqa apelliatsiialyq shaǵym túsirgen.
2023 jylǵy qarashada Taldyqorǵan politsiiasynyń bastyǵy Marat Kúshtibaev 27 jastaǵy áieldi zorlady degen kúdikpen ustaldy. Keiinirek jábirlenýshiniń advokaty oqiǵanyń egjei-tegjeiin aitty. Onyń aitýynsha, 2023 jyldyń 12 qarashasynda ishki ister basqarmasyna qoǵamdyq tártipti buzdy degen aiyppen Taldyqorǵan turǵyny jetkizilip, keiin ol bastyqtyń qyzmettik kabinetinde zorlyq kórgen.
Biyl sáýirdiń aiaǵynda sot úkimi boiynsha Kúshtibaev kináli dep tanylyp, Qylmystyq kodekstiń 120-baby 2-bóliginiń 5-tarmaǵy boiynsha 11 jylǵa bas bostandyǵynan aiyryldy. Sondai-aq, ol marapattarynan jáne "politsiia polkovnigi" arnaiy ataǵynan aiyryldy.
