Almatyda máslihat depýtaty Timýr Eleýsizov baiandama jasap jatqan sátinde bylapyt sóz aityp jibergen edi. Ol orys tilindegi "protivoepizooticheskii" sózine tili kelmei, osyndai sóz aitqan. Depýtat bul qylyǵy úshin ákimshilik jaýapkershilikke tartylǵanyn málimdedi, - dep habarlaidy Dalanews.kz.
Eleýsizov áleýmettik jelide video jariialap, politsiia bólimine barǵanyn aitty.
"Búgin tańerteń politsiia bólimine baryp, túsinikteme jazdym. Meni Ákimshilik quqyqbuzýshylyq týraly kodekstiń 434-baby "Usaq buzaqylyq" boiynsha jaýapkershilikke tartty. Jibergen qatemiz úshin tolyq jaýapkershilik alýymyz qajet", - deidi depýtat.
Al ákimshilik quqyqbuzýshylyq týraly kodekstiń 434-baby 1-tarmaǵy "Usaq buzaqylyq, iaǵni qoǵamdyq oryndarda bylapyt sóileý" boiynsha 20 AEK mólsherinde aiyppul salý nemese 5 táýlikten 15 táýlikke deiingi merzimge ákimshilik qamaýǵa alý jazasy kózdeledi.
Alaida depýtatqa qandai jaza qoldanylatyny ázirge belgisiz.
