Sý resýrstary jáne irrigatsiia ministrligi sý salasyn damytýǵa 12 mln dollardan asa grant tartty, dep habarlaidy Dalanews.kz.
Sý resýrstary jáne irrigatsiia ministrligi qurylǵannan beri sý salasyn damytýǵa 12 mln dollardan astam grant tartqan.
Mysaly, Frantsiianyń damý agenttigi Balqash kólin saqtap qalýǵa arnalǵan master-jospardy daiyndaýǵa 1,35 mln eýro kóleminde grant bóldi. Al «Qazaqmys» korporatsiiasy Balqash kóliniń ekojúiesin qorǵaý úshin 5 mln dollar bóledi. Japoniia Úkimetimen bógetterdi keshendi basqarý arqyly Qazaqstandaǵy sý tasqynyna qarsy kúres sharalaryn jaqsartý úshin shamamen 2 mln AQSh dollaryn berý týraly kelisim bar. Islam damý banki «Qazsýshar» RMK-ny tehnikalyq jabdyqtaýǵa, Qazaq sý sharýashylyǵy ǵylymi-zertteý institýtynyń sý jáne ózen basseinderiniń máselelerin zertteý men baǵalaýyna, sondai-aq Sý resýrstarynyń Aqparattyq-taldaý ortalyǵy úshin erte áreket etý júielerin engizýdi baǵalaýǵa 3,5 mln dollar bóledi.
"Grant qarajaty sý sharýashylyǵynyń túrli salalarynda iri jobalardy ázirleýge jumsalady. Sonymen qatar sheteldik seriktester men halyqaralyq qarjy uiymdary da sapaly taldaý men saraptamany jii usynady. Granttardan bólek, investitsiia tartý boiynsha belsendi jumys júrgizilip jatyr. Búginde birqatar iri qazaqstandyq jáne halyqaralyq kompaniiamen kelisimder bar", – dedi Sý resýrstary jáne irrigatsiia vitse-ministri Erbolat Ibraihanov.
Eske salaiyq, buǵan deiin halyqaralyq sarapshy, osy salada 45 jyldyq tájiribesi bar belgili maman Erlan Badashev Dalanews.kz-ke bergen ekskliýziv suhbat berdi.
"Ádil túrde sý bólýimiz kerek. Ishte de, syrtta da az sý bolsa da bólip ishý kerek. Aýyldyq jerlerde qazir qyrǵyn bolyp jatyr. Kóbi bilmeidi. Aýyl men aýyl, aǵaiyn men aǵaiyn ketpenmen shabysaiyn dep otyr. Óitkeni qolynda biligi bar adam kanaldy buryp alady da, tómenge sý bermeidi. Kanal ortaq menshikte bolýy kerek. Ony keshe ministrge de aittym. Ádil, teń sý bólý boiynsha bólek zań jazbai bolmaidy. Sol kezde olar qorqady. Tipti Syrdariia boiynsha Túrkistan men Qyzylorda arasynda turaqty túrde kelispeýshilik bar", - dedi sarapshy.
