سۋ رەسۋرستارى جانە يرريگاسيا مينيسترلىگى سۋ سالاسىن دامىتۋعا 12 ملن دوللاردان اسا گرانت تارتتى، دەپ حابارلايدى Dalanews.kz.

سۋ رەسۋرستارى جانە يرريگاسيا مينيسترلىگى قۇرىلعاننان بەرى سۋ سالاسىن دامىتۋعا 12 ملن دوللاردان استام گرانت تارتقان.

مىسالى، فرانسيانىڭ دامۋ اگەنتتىگى بالقاش كولىن ساقتاپ قالۋعا ارنالعان ماستەر-جوسپاردى دايىنداۋعا 1،35 ملن ەۋرو كولەمىندە گرانت ءبولدى. ال «قازاقمىس» كورپوراسياسى بالقاش كولىنىڭ ەكوجۇيەسىن قورعاۋ ءۇشىن 5 ملن دوللار بولەدى. جاپونيا ۇكىمەتىمەن بوگەتتەردى كەشەندى باسقارۋ ارقىلى قازاقستانداعى سۋ تاسقىنىنا قارسى كۇرەس شارالارىن جاقسارتۋ ءۇشىن شامامەن 2 ملن اقش دوللارىن بەرۋ تۋرالى كەلىسىم بار. يسلام دامۋ بانكى «قازسۋشار» رمك-نى تەحنيكالىق جابدىقتاۋعا، قازاق سۋ شارۋاشىلىعى عىلىمي-زەرتتەۋ ينستيتۋتىنىڭ سۋ جانە وزەن باسسەيندەرىنىڭ ماسەلەلەرىن زەرتتەۋ مەن باعالاۋىنا، سونداي-اق سۋ رەسۋرستارىنىڭ اقپاراتتىق-تالداۋ ورتالىعى ءۇشىن ەرتە ارەكەت ەتۋ جۇيەلەرىن ەنگىزۋدى باعالاۋعا 3،5 ملن دوللار بولەدى.

ەسكە سالايىق، بۇعان دەيىن حالىقارالىق ساراپشى، وسى سالادا 45 جىلدىق تاجىريبەسى بار بەلگىلى مامان ەرلان باداشيەۆ Dalanews.kz-كە بەرگەن ەكسكليۋزيۆ سۇحبات بەردى.

"ءادىل تۇردە سۋ ءبولۋىمىز كەرەك. ىشتە دە، سىرتتا دا از سۋ بولسا دا ءبولىپ ءىشۋ كەرەك. اۋىلدىق جەرلەردە ءقازىر قىرعىن بولىپ جاتىر. كوبى بىلمەيدى. اۋىل مەن اۋىل، اعايىن مەن اعايىن كەتپەنمەن شابىسايىن دەپ وتىر. ويتكەنى قولىندا بيلىگى بار ادام كانالدى بۇرىپ الادى دا، تومەنگە سۋ بەرمەيدى. كانال ورتاق مەنشىكتە بولۋى كەرەك. ونى كەشە مينيسترگە دە ايتتىم. ءادىل، تەڭ سۋ ءبولۋ بويىنشا بولەك زاڭ جازباي بولمايدى. سول كەزدە ولار قورقادى. ءتىپتى سىرداريا بويىنشا تۇركىستان مەن قىزىلوردا اراسىندا تۇراقتى تۇردە كەلىسپەۋشىلىك بار"، - دەدى ساراپشى.