Kandidat sapary halyqtyń rýhani damýyna zor úles qosqan uly tarihi qairatkerler – Abai Qunanbaiuly men Muhtar Áýezovtiń eskertkishterine gúl shoqtaryn qoiýdan bastaldy. Ulylar rýhyna taǵzym – taǵzym men taǵylymdy qatar ustaǵan «Aýyl» partiiasynyń basty qundylyǵy.
Odan keiin Jigýli Dairabaev jáne onyń komandasy Abai oblystyq kitaphanasynda jergilikti ziialy qaýymmen kezdesý ótkizdi. Kezdesýde kandidat baǵdarlamasynyń mańyzdy baǵyttary – dala demokratiiasynyń qaǵidattary, qoǵamnyń qazaq halqynyń mádenieti men ádebietin, qazaq oishyldary eńbekteriniń qundy úlgilerin saqtaýǵa qatysýy talqylandy.
«Meniń oiymsha, aimaqtardaǵy jergilikti ziialy qaýymdy qoldaý qajet. Jasyratyny joq, olar óz qarajaty esebinen ómir súredi, memleket olarǵa qarjylyq qoldaý kórsetpeidi. Degenmen, olardyń usynys-pikirleri eń biiktegi bilikke jetýi úshin jaǵdai jasaý mańyzdy.
Ol úshin jergilikti qaýymdastyqtar júieli túrde kezdesýler ótkizip, usynystar qalyptastyryp, taldaýlar júrgizip, olardy jergilikti bilikke jetkizýi kerek.
Mundai tájiribe jetekshi álemdik derjavalarda, mysaly, Japoniiada sátti iske asqan. Bul dala demokratiiasynyń «halyq danalyǵy – el igiligi úshin» atty negizgi baǵyttarynyń biri», - dedi Jigýli Dairabaev.
Ziialy qaýymnan soń kandidat eń iri jáne zamanaýi mai ekstraktsiialaý zaýyty – «Qazaq Astyq Group» JShS qyzmetkerlerimen kezdesti. Kandidat Qazaqstannyń shikizatty eksporttamaýy, kerisinshe, el ishinde qaita óńdeýmen ainalysýy kerektigine toqtaldy. Qaita óńdeýdegi qosymsha ónim osylaisha, jergilikti naryqqa shyǵady.
Sondyqtan bizneske qazirgiden de kóp qaita óńdeý zaýyttaryn salý, al memleketke jan – jaqty qoldaý men yntalandyrý sharalaryn kórsetý qajet. Qyzmetkerler kandidattyń bastamalaryna qoldaý bildirip, sailaýda sáttilik tiledi.
