Biyl Kiris jáne múlik deklaratsiiasyn 465 myń jeke tulǵa tapsyrǵan. Olardyń arasynda memlekettik qyzmetshiler, soǵan teńestirilgen azamattar jáne olardyń jubailary bar.
Memlekettik kirister komiteti habarlaǵandai, tabysyn jariia etken 465 myń tulǵanyń 117-si shetelde shot ashqan. Basym bóligi Singapýrde. Qarjysyn Lihtenshtein kniazdigi men Reseide saqtaityndar da az emes.
Qazaqstandyq sheneýnikterdiń Singapýr bankterinde 1 mlrd.qa jýyq teńgesi saqtalǵan. Reseidegi jinaqtary 476 mln-ǵa jeteǵabyl. Al Lihtenshtein Kniazdigi bankterindegi aqsha 426 mln teńgeden asady.
Sondai-aq syrt memleketterde qazaqstandyq sheneýnikterdiń atyna 221 jyljymaityn múlik tirkelgen. Onyń 90 paiyzǵa jýyǵy Reseide ornalasqan.
Budan bólek 333 sheneýnik shetel memleketterinde quzyrly organdarǵa tirkelgen 392 kóligi týraly málimet usynǵan.
Bir qyzyǵy, memlekettik qyzmetshilerdiń óz elimizde qandai múlki bary belgisiz.
"Ony jariialaý týraly deklaratsiiada talap joq", - deidi komitet ókilderi.
...
Budan buryn Dalanews.kz-ke pikir bildirgen Qazaqstannyń eks-premeri Ákejan Qajygeldin qazaq bailarynyń shetelde jasyrǵan kapitalyn izdestirip jatqanyn aitqan.
“Aqparatty jinastyrý, saraptan, súzgiden ótkizý bar, munyń bári uzaq jumys. Urlanǵan aqsha Qazaqstanǵa qaitýy kerek. Bul úshin Batys elderine aqshany kim, qandai jolmen urlaǵanyn dáleldeý qajetpiz.
Basy ashyq dúnie: qazirgi júie jasap turǵanda jelingen aqsha elge oralady dep dámelenbeńiz. Demokratiialyq ustanymdaǵy, jemqorlyqtan ada jańa basshylyq bilik kelgende ǵana qaitady”, – degen edi ol.
Onyń pikirinshe Nazarbaev áýleti men eks-prezidenttiń sharapatyn kórgen shendiler sheteldegi qarjysyn elge qaitarsa, Qazaqstannyń árbir azamatyna ai saiyn 200-300 dollardan jalaqy tólep turarlyq jaǵdaiymyz bar.
https://dalanews.kz/sadak/60052-ar-norvegting-shotynda-190-myng-dollar-bar
