2025 jyly 28 mamyrda Jusan Bank ataýyn ózgertetinin resmi túrde jariialady. Bank baspasóz qyzmeti endigiden bastap ózderiniń "Alatau City Bank"AQ dep atalatynyn naqtylaidy, dep habarlaidy Dalanews.kz.
"First Heartland Jusan Bank" AQ óz ataýyn "Alatau City Bank" AQ dep ózgertedi. Banktiń Jarǵysyna 2025 jyldyń 15 mamyrynda aktsionerlerdiń jyldyq jalpy jinalysynyń sheshimimen tiisti ózgerister engizildi", - delingen resmi habarlamada.
"Rebrending banktiń strategiiasynyń, ambitsiiasy men qarjy institýtyn odan ári damytýǵa basymdyq beretininiń kórinisi bolyp tabylady", - deidi baspasóz qyzmeti.
Banktiń ózgertilgen zańdy ataýy memlekettik qaita tirkeýden ótken kúnnen bastap óz kúshine enetini de naqtylanady.
Al jańa ataýdaǵy bank logotipi tómendegi sipatta bolady:
Buǵan deiin Jusan Bank-tiń Qazaqtelekomdaǵy óz úlesin qansha mlrd teńgege jáne kimge satqany belgili bolǵan.
