Aıtysty júrgizetin Júrsin Ermanǵa deıin Instagram-ǵa tirkelip alypty. Ózi taǵy jubaıy Baqytjamalmen birge bul kúnderi Shveısarıada demalyp júr.
Qyzyq bolǵanda, sol jaqtaǵy bir kóshede qazaqtyń ataqty qashqyn-bankıri Muhtar Ábilázovpen qalaı kezdesip qalǵanyn jelige jazyp jiberipti:
«Keshe keshkisin Baqytjamal ekeýmiz Shveısarıanyń shaǵyn bir qalasynda serýenge shyqtyq. Kóshede jan joq. Kenet qarsy aldymyzdan Muqtar Ábilázov shyǵa keldi.
– Eı, Ábilázovsyń ba, dedim toqtap.
Ol tanymaıtyn, bilmeıtin, estimeıtin adamdaı júrisin jyldamdatyp óte shyqty.
Opozısıa serkesi bolǵanyńdy uraıyn!
Jat jerde jolyqqan bir qazaqpen amandasýǵa jaramaǵan bul qashaq kimge tulǵa bolǵandaı?
dep jazypty Júrsin Erman.
