Ýkraına İİM resmı málimeti boıynsha, Kıevte arqasyna tıgen oqtan 1977 jyly týǵan, telearnalardyń biriniń júrgizýshisi qaza tapqan. Polısıa qaza tapqan jýrnalısiń aty-jónin atamaıdy. Biraq Babchenko 1977 jyly týǵan, sońǵy ýaqytta qyrym-tatarlarynyń ATR kanalynda júrgizýshi bolyp jumys istegen.
Kıevte Babchenkonyń oqqa ushqany jóninde Feısbýkte birinshi bolyp Aıder Mýjdabaev habarlady. Onyń sózinshe, Babchenkoǵa úıinde, arqasynan oq atqan. Jýrnalısiń denesin áıeli tapqan. Babchenko "jedel járdem" kóliginde kóz jumǵan.
Jýrnalıs byltyr Reseıden ketken. Ol belgili bir ýaqyt shetelde turǵanym jaqsy degen. Negizgi sebepterin aıtpasa da, ol "bostandyq nemese bostandyqsyz ómirdi tańdaý kerek boldy" degen.
Arkadıı Babchenko sheshen soǵysyna qatysqan. Keıin ol "Moskovskıı komsomoles", "Zabytyı polk" basylymdarynda áskerı tilshi bolyp jumys istegen. Ol sonymen birge "Novaıa gazetaǵa" da reportaj jasap turǵan.
