ۋكراينا ءىىم رەسمي مالىمەتى بويىنشا، كييەۆتە ارقاسىنا تيگەن وقتان 1977 جىلى تۋعان، تەلەارنالاردىڭ ءبىرىنىڭ جۇرگىزۋشىسى قازا تاپقان. پوليسيا قازا تاپقان ءجۋرناليستىڭ ءاتى-جونىن اتامايدى. ءبىراق بابچەنكو 1977 جىلى تۋعان، سوڭعى ۋاقىتتا قىرىم-تاتارلارىنىڭ ATR كانالىندا جۇرگىزۋشى بولىپ جۇمىس ىستەگەن.
كييەۆتە بابچەنكونىڭ وققا ۇشقانى جونىندە فەيسبۋكتە ءبىرىنشى بولىپ ايدەر مۋجدابايەۆ حابارلادى. ونىڭ سوزىنشە، بابچەنكوعا ۇيىندە، ارقاسىنان وق اتقان. ءجۋرناليستىڭ دەنەسىن ايەلى تاپقان. بابچەنكو "جەدەل جاردەم" كولىگىندە كوز جۇمعان.
جۋرناليست بىلتىر رەسەيدەن كەتكەن. ول بەلگىلى ءبىر ۋاقىت شەتەلدە تۇرعانىم جاقسى دەگەن. نەگىزگى سەبەپتەرىن ايتپاسا دا، ول "بوستاندىق نەمەسە بوستاندىقسىز ءومىردى تاڭداۋ كەرەك بولدى" دەگەن.
اركاديي بابچەنكو شەشەن سوعىسىنا قاتىسقان. كەيىن ول "موسكوۆسكيي كومسومولەس"، "زابىتىي پولك" باسىلىمدارىندا اسكەري ءتىلشى بولىپ جۇمىس ىستەگەن. ول سونىمەن بىرگە "نوۆايا گازەتاعا" دا رەپورتاج جاساپ تۇرعان.
