Mınsk qalasynda narazylyq aksıalarynan habar taratý kezinde ustalǵan jýrnalıser sottalmaqshy.
TUT.BY jýrnalıseri Nadejda Kalınına men Alekseı Sýdnıkov, «Komsomolskaıa pravda: Belarýs» jýrnalıseri Sergeı Shegolev, Nıkıta Dýboleko jáne Marıa Eleshevıch, sonymen birge BelaPAN tilshisi Andreı Shavlúgo qazir ishki ister basqarmasynda otyr.
TUT.BY basylymynyń habarlaýynsha, Oktábr aýdandyq ishki ister ǵımaratyna jýrnalıserdi qoldaýshylar jınalyp jatyr. Áriptesterin qoldaǵan keıbir jýrnalıs osynda túnedi. Munda qyryq shaqty adam jınaldy.
Belarýs jýrnalıser qaýymdastyǵy ustalǵandardy tez arada bosatýdy talap etti. «Zań óreskel buzyldy!» dep málimdedi uıym. Ustalǵan jýrnalıserdiń barlyǵy Mınsk qalasynda ótip jatqan narazylyq aksıalarynan habar taratyp júrgen.
TUT.BY basylymynyń habarlaýynsha, saılaý naýqany bastalǵaly beri bul saıttyń jýrnalıseri on shaqty ret ustaldy.
