Jańa kitaptyń tusaýkeserine QR Parlamentiniń depýtattary, iskerlik, qoǵamdyq, ǵylymi jáne mádeni toptardyń ókilderi, jýrnalister, sondai-aq elimizdiń memlekettik BAQ basshylary qatysty.
«SÓZTÚZER. Qate qoldanystar sózdiginiń» Otandyq BAQ materialdarynyń monitoringi negizinde bilikti lingvisterdiń, tájiribeli jýrnalister men kásibi redaktorlardyń qatysýymen ázirlengen kitap.
Joba avtorlary elimizdiń aqparattyq keńistiginde memlekettik tilde jii kezdesetin qatelikterdi anyqtady, jiktedi jáne taldady.
Nátijesinde qazaq tilindegi sózderdi durys paidalanbaýdyń naqty mysaldary bar. Sondai-aq, jalpy orfografiialyq, pýnktýatsiialyq jáne stilistikalyq qateler sózdigi jasaldy. Onda sózder men sóilemderdiń durys nusqasyn qoldaný boiynsha usynystar berilgen.
Aita ketý kerek, bul osy baǵyttaǵy alǵashqy aýqymdy joba.
Jobanyń basty maqsaty – BAQ-ta memlekettik tildi nyǵaitý jáne damytý.
Otandyq BAQ-tarǵa arnalǵan qazaq tilindegi sózdikti jasaý ideiasynyń avtory QR Prezidenti Ákimshiligi Basshysynyń birinshi orynbasary Dáýren Abaev boldy. Joba jetekshisi – QR UǴA akademigi, filologiia ǵylymdarynyń doktory, professor Sherýbai Qurmanbaiuly.
Sózdik birinshi kezekte qazaq tilindegi BAQ redaktorlaryna, qazaq tilinde saýatty jazýǵa tyrysatyn qalyń buqaraǵa turaqty paidalaný úshin usynylady.
Onyń basylymy BAQ-ta memlekettik tildi nyǵaitýǵa jańa serpin beredi jáne qalyń jurtshylyqtyń, ásirese jas urpaqtyń qazaq tilinde durys sóileý jáne jazý qabiletine oń áser etedi.
Sózdik Qazaqstan Táýelsizdiginiń 30 jyldyq mereitoiyn merekeleý sheńberinde usynylǵan jáne Qazaqstan halqynyń Tilderi kúnine orailastyrylǵan. Shara Aqparat jáne qoǵamdyq damý ministrligi «Media Damytý qory» Korporativtik qorymen birlesip uiymdastyryldy.
Is-sharanyń demeýshisi – «Qazaqstan» RTRK.
