جاڭا كىتاپتىڭ تۇساۋكەسەرىنە ق ر پارلامەنتىنىڭ دەپۋتاتتارى، ىسكەرلىك، قوعامدىق، عىلىمي جانە مادەني توپتاردىڭ وكىلدەرى، جۋرناليستەر، سونداي-اق ەلىمىزدىڭ مەملەكەتتىك ب ا ق باسشىلارى قاتىستى.
«سوزتۇزەر. قاتە قولدانىستار سوزدىگىنىڭ» وتاندىق ب ا ق ماتەريالدارىنىڭ مونيتورينگى نەگىزىندە بىلىكتى لينگۆيستەردىڭ، تاجىريبەلى جۋرناليستەر مەن كاسىبي رەداكتورلاردىڭ قاتىسۋىمەن ازىرلەنگەن كىتاپ.
جوبا اۆتورلارى ەلىمىزدىڭ اقپاراتتىق كەڭىستىگىندە مەملەكەتتىك تىلدە ءجيى كەزدەسەتىن قاتەلىكتەردى انىقتادى، جىكتەدى جانە تالدادى.
ناتيجەسىندە قازاق تىلىندەگى سوزدەردى دۇرىس پايدالانباۋدىڭ ناقتى مىسالدارى بار. سونداي-اق، جالپى ورفوگرافيالىق، پۋنكتۋاسيالىق جانە ستيليستيكالىق قاتەلەر سوزدىگى جاسالدى. وندا سوزدەر مەن سويلەمدەردىڭ دۇرىس نۇسقاسىن قولدانۋ بويىنشا ۇسىنىستار بەرىلگەن.
ايتا كەتۋ كەرەك، بۇل وسى باعىتتاعى العاشقى اۋقىمدى جوبا.
جوبانىڭ باستى ماقساتى – باق-تا مەملەكەتتىك ءتىلدى نىعايتۋ جانە دامىتۋ.
وتاندىق باق-تارعا ارنالعان قازاق تىلىندەگى سوزدىكتى جاساۋ يدەياسىنىڭ اۆتورى ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن ابايەۆ بولدى. جوبا جەتەكشىسى – ق ر ۇعا اكادەميگى، فيلولوگيا عىلىمدارىنىڭ دوكتورى، پروفەسسور شەرۋباي قۇرمانباي ۇلى.
سوزدىك ءبىرىنشى كەزەكتە قازاق تىلىندەگى ب ا ق رەداكتورلارىنا، قازاق تىلىندە ساۋاتتى جازۋعا تىرىساتىن قالىڭ بۇقاراعا تۇراقتى پايدالانۋ ءۇشىن ۇسىنىلادى.
ونىڭ باسىلىمى باق-تا مەملەكەتتىك ءتىلدى نىعايتۋعا جاڭا سەرپىن بەرەدى جانە قالىڭ جۇرتشىلىقتىڭ، اسىرەسە جاس ۇرپاقتىڭ قازاق تىلىندە دۇرىس سويلەۋ جانە جازۋ قابىلەتىنە وڭ اسەر ەتەدى.
سوزدىك قازاقستان تاۋەلسىزدىگىنىڭ 30 جىلدىق مەرەيتويىن مەرەكەلەۋ شەڭبەرىندە ۇسىنىلعان جانە قازاقستان حالقىنىڭ تىلدەرى كۇنىنە ورايلاستىرىلعان. شارا اقپارات جانە قوعامدىق دامۋ مينيسترلىگى «مەديا دامىتۋ قورى» كورپوراتيۆتىك قورىمەن بىرلەسىپ ۇيىمداستىرىلدى.
ءىس-شارانىڭ دەمەۋشىسى – «Qazaqstan» رترك.
