– Resei-Ýkraina shielenisi qazir búkil álemde talqylanyp jatyr. Ol Qazaqstandaǵy áleýmettik jelide de qatty belsendilik týǵyzdy. Azamattar, birinshi kezekte jýrnalister Konstitýtsiiamyzda kepildik berilgen sóz bostandyǵyn tolyq kólemde paidalanyp, oilaryn erkin jetkizip jatyr. Biraq kóbi óz paiymdaryn qorǵaý kezinde qan qyzýymen shekten asyp ketýde. Al ondai shek bitken jerde jek kórý tili bastalady, – dep jazylǵan Qazaqstan jýrnalister odaǵynyń resmi saityna jariialanǵan málimdemede.
Málimdeme avtorlary búgingidei jaǵdaida aqparat taratýdyń halyqaralyq standarttary bar ekenin eske salady.
«Esterińizge salamyz: halyqaralyq standarttar, atap aitqanda, ulttyq, násildik nemese dini óshpendilikti nasihattaýǵa tyiym salý jónindegi Rabattyq is-qimyl jospary «jekkórýshilik» pen «dushpandyqty» maqsatty topqa qatysty aiyptaýdyń, dushpandyqtyń jáne narazylyqtyń tereń jáne irratsionaldy sezimderdiń kórinisi retinde qarastyrady. Iaǵni, siz kez kelgen áreketti nemese áreketsizdikti jek kóre alasyz, biraq siz azamattyǵyna, ultyna, dinine bailanysty, ultty, dini nemese basqa adamdar tobyn jek kóre almaisyz.
Kimdi bolsa da, ásirese, buqaralyq aqparat quraldarynda jáne áleýmettik jelilerde ashyq jek kórý – qalai desek te, janama bálkim shamaly mósherde bolatyn shyǵar, bári bir qarsy nasihat. Osy sózim arqyly adamdardy nege shaqyryp turmyn? Munyń arty is júzinde nege ákelýi múmkin? Óz pikirińizdi bildire otyryp, aldymen osy jaǵyn oilaný kerek, – delingen málimdemede.
Málimdemeniń túiini kez kelgen pikirtalas jalpy ádep normalarynan alys ketpeýi kerek degenge saiady.
– Biz kez kelgen ótkir máseleni sózjarys, pikirtalas arqyly ashyq taldaýdy qoldaimyz. Dáiekterge súiengen, eshkimdi qorlamai, kemsitpei, qorqytyp-úrkitpei jáne agressiia tanytpai daýlasýdy jóne dep bilemiz. Qoǵamdaǵy haos – sózdegi haostan, sózdegi haos – bastaǵy haostan bastalady. Ondai tizbek kimge kerek?
Jýrnalister men blogerlerdiń óz ustanymdaryn bildirgen kezde sózjarys mádenietin, qarsylasqa degen qurmet pen qoǵam aldyndaǵy jaýapkershilikti este saqtaýy buryn-sońdy dál mundai mańyzdy bolyp kórgen joq dep esepteimiz», - dep jazylǵan Qazaqstan jýrinalister odaǵy men «Ádil sóz» qorynyń birlesken málimdemesinde.
