– رەسەي-ۋكراينا شيەلەنٸسٸ قازٸر بٷكٸل ەلەمدە تالقىلانىپ جاتىر. ول قازاقستانداعى ەلەۋمەتتٸك جەلٸدە دە قاتتى بەلسەندٸلٸك تۋعىزدى. ازاماتتار, بٸرٸنشٸ كەزەكتە جۋرناليستەر كونستيتۋتسييامىزدا كەپٸلدٸك بەرٸلگەن سٶز بوستاندىعىن تولىق كٶلەمدە پايدالانىپ, ويلارىن ەركٸن جەتكٸزٸپ جاتىر. بٸراق كٶبٸ ٶز پايىمدارىن قورعاۋ كەزٸندە قان قىزۋىمەن شەكتەن اسىپ كەتۋدە. ال ونداي شەك بٸتكەن جەردە جەك كٶرۋ تٸلٸ باستالادى, – دەپ جازىلعان قازاقستان جۋرناليستەر وداعىنىڭ رەسمي سايتىنا جارييالانعان مەلٸمدەمەدە.
مەلٸمدەمە اۆتورلارى بٷگٸنگٸدەي جاعدايدا اقپارات تاراتۋدىڭ حالىقارالىق ستاندارتتارى بار ەكەنٸن ەسكە سالادى.
«ەستەرٸڭٸزگە سالامىز: حالىقارالىق ستاندارتتار, اتاپ ايتقاندا, ۇلتتىق, نەسٸلدٸك نەمەسە دٸني ٶشپەندٸلٸكتٸ ناسيحاتتاۋعا تىيىم سالۋ جٶنٸندەگٸ راباتتىق ٸس-قيمىل جوسپارى «جەككٶرۋشٸلٸك» پەن «دۇشپاندىقتى» ماقساتتى توپقا قاتىستى ايىپتاۋدىڭ, دۇشپاندىقتىڭ جەنە نارازىلىقتىڭ تەرەڭ جەنە يرراتسيونالدى سەزٸمدەردٸڭ كٶرٸنٸسٸ رەتٸندە قاراستىرادى. ياعني, سٸز كەز كەلگەن ەرەكەتتٸ نەمەسە ەرەكەتسٸزدٸكتٸ جەك كٶرە الاسىز, بٸراق سٸز ازاماتتىعىنا, ۇلتىنا, دٸنٸنە بايلانىستى, ۇلتتى, دٸني نەمەسە باسقا ادامدار توبىن جەك كٶرە المايسىز.
كٸمدٸ بولسا دا, ەسٸرەسە, بۇقارالىق اقپارات قۇرالدارىندا جەنە ەلەۋمەتتٸك جەلٸلەردە اشىق جەك كٶرۋ – قالاي دەسەك تە, جاناما بەلكٸم شامالى مٶشەردە بولاتىن شىعار, بەرٸ بٸر قارسى ناسيحات. وسى سٶزٸم ارقىلى ادامداردى نەگە شاقىرىپ تۇرمىن? مۇنىڭ ارتى ٸس جٷزٸندە نەگە ەكەلۋٸ مٷمكٸن? ٶز پٸكٸرٸڭٸزدٸ بٸلدٸرە وتىرىپ, الدىمەن وسى جاعىن ويلانۋ كەرەك, – دەلٸنگەن مەلٸمدەمەدە.
مەلٸمدەمەنٸڭ تٷيٸنٸ كەز كەلگەن پٸكٸرتالاس جالپى ەدەپ نورمالارىنان الىس كەتپەۋٸ كەرەك دەگەنگە سايادى.
– بٸز كەز كەلگەن ٶتكٸر مەسەلەنٸ سٶزجارىس, پٸكٸرتالاس ارقىلى اشىق تالداۋدى قولدايمىز. دەيەكتەرگە سٷيەنگەن, ەشكٸمدٸ قورلاماي, كەمسٸتپەي, قورقىتىپ-ٷركٸتپەي جەنە اگرەسسييا تانىتپاي داۋلاسۋدى جٶنە دەپ بٸلەمٸز. قوعامداعى حاوس – سٶزدەگٸ حاوستان, سٶزدەگٸ حاوس – باستاعى حاوستان باستالادى. ونداي تٸزبەك كٸمگە كەرەك?
جۋرناليستەر مەن بلوگەرلەردٸڭ ٶز ۇستانىمدارىن بٸلدٸرگەن كەزدە سٶزجارىس مەدەنيەتٸن, قارسىلاسقا دەگەن قۇرمەت پەن قوعام الدىنداعى جاۋاپكەرشٸلٸكتٸ ەستە ساقتاۋى بۇرىن-سوڭدى دەل مۇنداي ماڭىزدى بولىپ كٶرگەن جوق دەپ ەسەپتەيمٸز», - دەپ جازىلعان قازاقستان جۋريناليستەر وداعى مەن «ەدٸل سٶز» قورىنىڭ بٸرلەسكەن مەلٸمدەمەسٸندە.
