Qazaqstandyq jýrnalıs aýyl sharýashylyǵy mınıstri Aıdarbek Saparovtyń ústinen polısıaǵa aryz jazdy, dep habarlaıdy Dalanews.kz.
"Qazaqstannyń sút ónimderimen 100% qamtamasyz etilgeni týraly ádeıi jalǵan aqparat taratý faktisi boıynsha aýyl sharýashylyǵy mınıstri Saparovtyń ústinen Astana qalalyq polısıa departamentine aryz jazdym", – dep jazdy sársenbi kúni aýyl sharýashylyǵy taqyrybyna mamandanǵan jýrnalıs Kırıl Pavlov óziniń Telegram-arnasynda.
Ol prezıdent ákimshiligin bul jaǵdaıdy baqylaýǵa alýdy surady.
"Resmı statısıka men halyqaralyq derekterge sáıkes: 2024 jyly Qazaqstan 183 myń tonna sút pen odan jasalǵan ónimderdi 410,7 mln dollarǵa ımporttady (derekkózder: QR Ulttyq statısıka búrosy, UN Comtrade, BAQ); irimshik pen súzbe naryǵyndaǵy ımporttyń úlesi – 48%, al sary maı men maı-toń maı ónimderinde – 15% (salalyq qaýymdastyqtardyń deregi)", – dep Pavlov óz ustanymyn dáleldedi.
