Qoǵamdyq-saıası "Vremá" gazetiniń bas redaktory, jýrnalıs Lev Tarakov ómirden ótti, – dep habarlaıdy Dalanews.kz.
Mádenıet jáne aqparat mınıstri Aıda Balaeva jýrnalısiń jaqyndaryna kóńil aıtty.
"Búgin 59 jasynda Lev Tarakov kenetten ómirden ótti, ol - qazaqstandyq jýrnalısıkadaǵy kórnekti tulǵa ǵana emes, sonymen qatar, otandyq medıasferanyń negizin qalaýshylardyń biri. Lev Iýrevıch - jarqyn medıamenedjer, shyǵarmashylyq tulǵa, talantty adam jáne tamasha pýblısıs. Uzaq jyl boıy ony jeke bilý, birge jumys isteý mártebesine ıe boldym. Búgin Táýelsiz Qazaqstan jýrnalısıkasynyń kóginde taǵy bir jarqyn juldyz sóndi. Týystaryna jáne jaqyndaryna qaıǵyryp kóńil aıtamyn", - dep jazdy mınıstr.
Aqparatty "Vremá" gazeti de rastady.
Lev Tarakov týraly ne belgili?
Lev Tarakov Kıevtegi joǵary áskerı-teńiz saıası ýchılıshesin bitirgen. Eńbek jolyn Soltústik flotta ofıser bolyp bastaǵan. Ár jyldary baspasóz jáne buqaralyq aqparat quraldary mınıstrliginde, Prezıdent janyndaǵy Qazaqstan strategıalyq zertteýler ınstıtýtynda basshylyq qyzmetter atqarǵan, sondaı-aq6 "Izvestıa-Kazahstan" gazetiniń bas redaktory bolǵan.
Lev Tarakov "Lıter-Medıa" holdıńinde jumys istegen. 2023 jylǵy mamyrdan bastap "Vremá" gazetiniń bas redaktory qyzmetin atqaryp kelgen.
