جۋرناليست لەۆ تاراكوۆ ٶمٸردەن ٶتتٸ

قوعامدىق-ساياسي "ۆرەميا" گازەتٸنٸڭ باس رەداكتورى, جۋرناليست لەۆ تاراكوۆ ٶمٸردەن ٶتتٸ, – دەپ حابارلايدى Dalanews.kz.

مەدەنيەت جەنە اقپارات مينيسترٸ ايدا بالاەۆا جۋرناليستٸڭ جاقىندارىنا كٶڭٸل ايتتى.

"بٷگٸن 59 جاسىندا لەۆ تاراكوۆ كەنەتتەن ٶمٸردەن ٶتتٸ, ول - قازاقستاندىق جۋرناليستيكاداعى كٶرنەكتٸ تۇلعا عانا ەمەس, سونىمەن قاتار, وتاندىق مەدياسفەرانىڭ نەگٸزٸن قالاۋشىلاردىڭ بٸرٸ. لەۆ يۋرەۆيچ - جارقىن مەديامەنەدجەر, شىعارماشىلىق تۇلعا, تالانتتى ادام جەنە تاماشا پۋبليتسيست. ۇزاق جىل بويى ونى جەكە بٸلۋ, بٸرگە جۇمىس ٸستەۋ مەرتەبەسٸنە يە بولدىم. بٷگٸن تەۋەلسٸز قازاقستان جۋرناليستيكاسىنىڭ كٶگٸندە تاعى بٸر جارقىن جۇلدىز سٶندٸ. تۋىستارىنا جەنە جاقىندارىنا قايعىرىپ كٶڭٸل ايتامىن", - دەپ جازدى مينيستر.

اقپاراتتى "ۆرەميا" گازەتٸ دە راستادى. 

لەۆ تاراكوۆ تۋرالى نە بەلگٸلٸ?

لەۆ تاراكوۆ كيەۆتەگٸ جوعارى ەسكەري-تەڭٸز ساياسي ۋچيليششەسٸن بٸتٸرگەن. ەڭبەك جولىن سولتٷستٸك فلوتتا وفيتسەر بولىپ باستاعان. ەر جىلدارى باسپاسٶز جەنە بۇقارالىق اقپارات قۇرالدارى مينيسترلٸگٸندە, پرەزيدەنت جانىنداعى قازاقستان ستراتەگييالىق زەرتتەۋلەر ينستيتۋتىندا باسشىلىق قىزمەتتەر اتقارعان, سونداي-اق6 "يزۆەستييا-كازاحستان" گازەتٸنٸڭ باس رەداكتورى بولعان.

لەۆ تاراكوۆ "ليتەر-مەديا" حولدينگٸندە جۇمىس ٸستەگەن. 2023 جىلعى مامىردان باستاپ "ۆرەميا" گازەتٸنٸڭ باس رەداكتورى قىزمەتٸن اتقارىپ كەلگەن.