- Qazaq tilin damytý úshin dep qazynadan qyrýar aqsha bólip, biraq joǵarydaǵylardyń ózderi minberlerde betteri búlk etpeĭ oryssha saĭrap tursyn.
- Bir depýtat hanym qazaqtyń ánurany oĭnaǵanda júreginiń qaĭda ornalasqanyn bilmeĭ qalsyn.
- Kúlli álem indetpen aĭqasyp, halyq janymen qaĭǵy bop jatqan tusta bir ákim eldi jinap, balasyna tyǵylyp toĭ jasasyn.
- Ushaqtarymyzda, qoǵamdyq kólikterde 1 metr araqashyqtyq saqtańyz dep habarlap, biraq jolaýshylardy syǵylystyryp otyrǵyzyp qorlasyn.
- Qazaq tiliniń soĭylyn soĭyp júrgendeĭ bop kóringen qazaqtar bankomat tilin oryssha tańdasyn.
- Ánshiler nege fonogrammamen aĭtady dep kúĭip-pisken bir qazaq sol ánshige qyrýar aqsha berip toĭyna shaqyryp, fonogrammamen 2 án aĭtyp bergeni úshin ózin dúniedegi eń baqytty adam siiaqty sezinsin.
- Para aldy dep áldekimdi sókkender jol erejesin buzyp, sosyn gaishnikke «áke, kóke» dep para bersin.
Qysqasy, mundaĭ shynaĭy oqiǵalar jelisi tolyp jatyr. Biraq mundaĭ filmdi kórgen basqalar buǵan kúler me eken? Menińshe, bul yrjaqtaĭtyn komediia emes, eńirep turyp jylaĭtyn drama bop shyǵatyn siiaqty. Siz qalaĭ oĭlaĭsyz?
Ertai NÚSIPJANOV, jýrnalist.
