Áleýmettik jelide burynǵy politsiia qyzmetkeriniń ákesiniń videosy jariialandy. Talǵat Muqashev qaza bolǵandardyń týystaryna taǵy bir ret kóńil aityp, uly úshin keshirim surady.
"Sizderden keshirim suraimyn. Men ulymnyń koronavirýs jaǵdaiyna bailanysty artqan júktemeni kótere almai óz erkimen jumystan ketkenin bilmeppin. Eger bul týraly bilgende keshe olai dep aitpas edim. Men jańa ǵana onyń shydai almai, jumystan ketip qalǵanyn bildim. Bilmeimin, múmkin ol maǵan muny aitýdan qoryqqan shyǵar. Óitkeni men ony qatal ákemin. Degenmen árkim qatelikke boi aldyra alady. Meniń balam da qatelesti, múmkin men ony nashar tárbielegen shyǵarmyn. Balam, negizi jaman adam emes. Ómirde kez-kelgen nárse bolýy múmkin. Halqym, sizderden keshirim suraimyn. Endi aiyptaýdy doǵarsańyzdar, sizderde de bala bar shyǵar, sizder de ata-ana shyǵarsyzdar...", - dedi ol.
Kúdiktiniń advokaty da málimdeme jasady. Ol da Azat Azamatovtyń týystaryn mazalamaýdy ótindi.
"Ákesimen sóilesý kezinde ol kisiniń de politsiiada jumys istegenin bildim, biraq ony sóz qylýdyń esh qajeti joq. Sondyqtan qosymsha aqparat izdep, onyń týystaryn mazalaýdy doǵarýdy suraimyn. Onyń kinásin tek sot qana anyqtaidy. Barlyq alyp-qashpa sóz ben dúdamal boljamdaǵy pikirtalastardy toqtatýlaryńyzdy suraimyn", - dedi advokat Marat Sultanbekov.
25 mamyrda Almaty oblysynda 1992 jylǵy mas júrgizýshi blok-beketti oirandady. Eki politsiia qyzmetkeri oqiǵa ornynda kóz jumdy. Úshinshisi aýrýhanada jan saqtaý bóliminde jatyr.
Politsiia mas júrgizýshiniń osyǵan deiin organda qyzmet etkenin, biraq óz mindetterin oryndamaǵany úshin jumystan shyǵarylǵanyn aitty. Alaida onyń ákesi jýrnalisterge bergen suhbatynda ulynyń apatqa deiin politsiiada jumys istegenin aitty. Zardap shekkenderdiń biriniń áieli de kúdiktiniń politsiiada istegenin aityp jelide jazba jariialady, biraq onyń qaiyn atasy bul aqparatty kelini jazbaǵanyn aitty.
https://www.instagram.com/p/CAvTkR9ntat/
