Bul týraly aqparatty Prezıdenttiń baspasóz hatshysy Berik Ýálı taratty.
"Memleket basshysy Qasym-Jomart Toqaev Jambyl oblysynyń ákimi Berdibek Saparbaevqa 2019 jyly jumysynda edáýir olqylyqtarǵa jol berip, qyzmetinen bosatylǵan Qaırat Dosaevty ákimdiktiń basqarma basshysy etip taǵaıyndaǵany úshin sógis jarıalady. Ákimge bir táýlik ishinde kadrlyq qateligin túzetýge tapsyrma berildi» delingen habarlamada.
Aıta ketelik keteıik, kúni keshe ǵana Jambyl oblysy ákiminiń buıryǵymen Qaırat Dosaev Jambyl oblysy ákimdiginiń tabıǵı resýrstar jáne tabıǵat paıdalanýdy retteý basqarmasynyń basshysy bolyp taǵaıyndalǵan.
...
2019 jyly Tarazda 7-synyp oqýshysyn mektep aýmaǵyndaǵy dárethanada zorlap ketken.
Mektep ishindegi ájethana durys jumys istemegen jáne bilim oshaǵynyń aýmaǵynda bir saǵat boıy júrgen bóten adamǵa eshkim nazar aýdarmaǵan.
Kúdikti ustalyp, tergeý ızolátoryna qamaldy. Polısıanyń málimetinshe, ol 19 jyl buryn áıel zorlaǵany úshin tórt jyl túrmede otyryp shyqqan.
Búkil eldi shýlatqan oqıǵadan keıin Jambyl oblystyq bilim basqarmasynyń basshysy, mektep dırektory, mektep ınspektory jáne birneshe muǵalim men bilim oshaǵynyń qyzmetkeri jumystan ketti.
Birneshe kúnnen keıin prezıdent Qasym-Jomart Toqaev oblys basshysyna jumysynda júıeli kemshilikter jibergeni úshin Taraz qalasynyń ákimin qyzmetinen bosatýdy tapsyrdy.
Qaırat Dosaevtyń ómirbaıany
Qaırat Dosaev 1965 jyly týǵan, bilimi joǵary. Qazaqtyń Eńbek Qyzyl Tý ordeni aýyl sharýashylyq ınstıtýtyn "ınjener-mehanık", Abaı atyndaǵy qazaq ulttyq pedagogıkalyq ýnıversıtetin "ekonomıs" mamandyqtary boıynsha bitirgen.
Eńbek jolyn 1987 jyly ǵylymı-óndiristik birlestiktiń ınjeneri bolyp bastaǵan.
Ár jyldary "Altyn dıirmen" AQ ınjeneri, Almaty qalalyq tótenshe jaǵdaılar basqarmasynyń tótenshe jaǵdaılar bólimi basshysynyń orynbasary, sektor meńgerýshisi, tótenshe jaǵdaılar agenttigi tóraǵasynyń kómekshisi, Almaty oblysy ákiminiń kómekshisi, Taldyqorǵan qalasy ákiminiń orynbasary, Almaty oblysy Qaratal aýdany ákiminiń orynbasary, Almaty oblysynyń tabıǵı monopolıalardy retteý jáne báselestikti qorǵaý basqarmasynyń basshysy, Almaty oblysynyń tarıfter basqarmasynyń basshysy, tótenshe jaǵdaılar mınıstriniń kómekshisi, "Meken" JSHS dırektory, "2011 jylǵy 7-shi qysqy Azıa oıyndaryn uıymdastyrý komıtetiniń atqarýshy dıreksıasy" aksıonerlik qoǵamy Almaty fılıalynyń dırektory, vıse-prezıdenti, departament dırektory, "Kazsportınvest" AQ vıse-prezıdenti laýazymdarynda eńbek etti.
Sondaı-aq, 2014-2017 jyldary Jambyl oblysy Qordaı aýdanynyń ákimi, 2017-2019 jyldary Shý aýdanynyń ákimi, 2019 jyly Taraz qalasynyń ákimi qyzmetterin atqarǵan.
2019 jyldyń jeltoqsanynan bastap Jambyl oblysy ákimdiginiń eńbek ınspeksıasy basqarmasynyń basshysy – bas memlekettik eńbek ınspektory retinde jumys istep keldi.
