بۇل تۋرالى اقپاراتتى پرەزيدەنتتىڭ باسپا ءسوز حاتشىسى بەرىك ءۋالي تاراتتى.
"مەملەكەت باسشىسى قاسىم-جومارت توقايەۆ جامبىل وبلىسىنىڭ اكىمى بەردىبەك ساپاربايەۆقا 2019 جىلى جۇمىسىندا ەداۋىر ولقىلىقتارعا جول بەرىپ، قىزمەتىنەن بوساتىلعان قايرات دوسايەۆتى اكىمدىكتىڭ باسقارما باسشىسى ەتىپ تاعايىنداعانى ءۇشىن سوگىس جاريالادى. اكىمگە ءبىر تاۋلىك ىشىندە كادرلىق قاتەلىگىن تۇزەتۋگە تاپسىرما بەرىلدى» دەلىنگەن حابارلامادا.
ايتا كەتەلىك كەتەيىك، كۇنى كەشە عانا جامبىل وبلىسى اكىمىنىڭ بۇيرىعىمەن قايرات دوسايەۆ جامبىل وبلىسى اكىمدىگىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى بولىپ تاعايىندالعان.
...
2019 جىلى تارازدا 7-سىنىپ وقۋشىسىن مەكتەپ اۋماعىنداعى دارەتحانادا زورلاپ كەتكەن.
مەكتەپ ىشىندەگى اجەتحانا دۇرىس جۇمىس ىستەمەگەن جانە ءبىلىم وشاعىنىڭ اۋماعىندا ءبىر ساعات بويى جۇرگەن بوتەن ادامعا ەشكىم نازار اۋدارماعان.
كۇدىكتى ۇستالىپ، تەرگەۋ يزولياتورىنا قامالدى. پوليسيانىڭ مالىمەتىنشە، ول 19 جىل بۇرىن ايەل زورلاعانى ءۇشىن ءتورت جىل تۇرمەدە وتىرىپ شىققان.
بۇكىل ەلدى شۋلاتقان وقيعادان كەيىن جامبىل وبلىستىق ءبىلىم باسقارماسىنىڭ باسشىسى، مەكتەپ ديرەكتورى، مەكتەپ ينسپەكتورى جانە بىرنەشە ءمۇعالىم مەن ءبىلىم وشاعىنىڭ قىزمەتكەرى جۇمىستان كەتتى.
بىرنەشە كۇننەن كەيىن پرەزيدەنت قاسىم-جومارت توقايەۆ وبلىس باسشىسىنا جۇمىسىندا جۇيەلى كەمشىلىكتەر جىبەرگەنى ءۇشىن تاراز قالاسىنىڭ اكىمىن قىزمەتىنەن بوساتۋدى تاپسىردى.
قايرات دوسايەۆتىڭ ءومىربايانى
قايرات دوسايەۆ 1965 جىلى تۋعان، ءبىلىمى جوعارى. قازاقتىڭ ەڭبەك قىزىل تۋ وردەنى اۋىل شارۋاشىلىق ينستيتۋتىن "ينجەنەر-مەحانيك"، اباي اتىنداعى قازاق ۇلتتىق پەداگوگيكالىق ۋنيۆەرسيتەتىن "ەكونوميست" ماماندىقتارى بويىنشا بىتىرگەن.
ەڭبەك جولىن 1987 جىلى عىلىمي-وندىرىستىك بىرلەستىكتىڭ ينجەنەرى بولىپ باستاعان.
ءار جىلدارى "التىن ديىرمەن" اق ينجەنەرى، الماتى قالالىق توتەنشە جاعدايلار باسقارماسىنىڭ توتەنشە جاعدايلار ءبولىمى باسشىسىنىڭ ورىنباسارى، سەكتور مەڭگەرۋشىسى، توتەنشە جاعدايلار اگەنتتىگى ءتوراعاسىنىڭ كومەكشىسى، الماتى وبلىسى اكىمىنىڭ كومەكشىسى، تالدىقورعان قالاسى اكىمىنىڭ ورىنباسارى، الماتى وبلىسى قاراتال اۋدانى اكىمىنىڭ ورىنباسارى، الماتى وبلىسىنىڭ تابيعي مونوپوليالاردى رەتتەۋ جانە باسەلەستىكتى قورعاۋ باسقارماسىنىڭ باسشىسى، الماتى وبلىسىنىڭ تاريفتەر باسقارماسىنىڭ باسشىسى، توتەنشە جاعدايلار ءمينيسترىنىڭ كومەكشىسى، "مەكەن" ج ش س ديرەكتورى، "2011 جىلعى 7ء-شى قىسقى ازيا ويىندارىن ۇيىمداستىرۋ كوميتەتىنىڭ اتقارۋشى ديرەكسياسى" اكسيونەرلىك قوعامى الماتى فيليالىنىڭ ديرەكتورى، ۆيسە-پرەزيدەنتى، دەپارتامەنت ديرەكتورى، "كازسپورتينۆەست" اق ۆيسە-پرەزيدەنتى لاۋازىمدارىندا ەڭبەك ەتتى.
سونداي-اق، 2014-2017 جىلدارى جامبىل وبلىسى قورداي اۋدانىنىڭ اكىمى، 2017-2019 جىلدارى شۋ اۋدانىنىڭ اكىمى، 2019 جىلى تاراز قالاسىنىڭ اكىمى قىزمەتتەرىن اتقارعان.
2019 جىلدىڭ جەلتوقسانىنان باستاپ جامبىل وبلىسى اكىمدىگىنىڭ ەڭبەك ينسپەكسياسى باسقارماسىنىڭ باسشىسى – باس مەملەكەتتىك ەڭبەك ينسپەكتورى رەتىندە جۇمىس ىستەپ كەلدى.
