Sáýirdiń ortasynda 30 myń almatylyqtyń ómirine qaýip tónip turǵany týraly habar taraǵan bolatyn. Tótenshe jaǵdailar ministri Shyńǵys Árinov "Aqsai" basseinindegi sel ustaityn bógetti salý kezinde aqsha jymqyrylǵanyn aitty. Keiinnen bógetti salǵan kompaniia Bolat Nazarbaevtyń qyzy Aqbota Nazarbaevamen bailanysty ekeni belgili boldy. Nazarbaevtyń qyzymen bailanysty kontoranyń taǵy qandai nysandarǵa qatysy bar? Dalanews.kz materialynda
ProTenge telegram arnasy osy turǵyda zertteý júrgizgen. 22 milliard teńge bólingen bógettiń sapasy men salyný merzimine qatysty suraqtar týǵan. Bógetti salýǵa qarjy pandemiia kezinde – 2020 jyly bólingen. Qurylysqa qatysty konkýrs jedeldetilgen túrde ótip ketken. Qurylys 2022 jyly bitýi kerek bolǵan.
Memlekettik sáýlet-qurylys baqylaýy basqarmasy qurylys jumystarynda buzýshylyqtar bolǵanyn anyqtaǵan. Zańbuzýshylyqtar aýyz toltyryp aitarlyqtai bolǵandyqtan "TOLAGAI -2050" JShS merdiger kompaniiasy qurylysty toqtatyp, artynsha kelisimshart joiylǵan. 2023 jyldyń tamyzynda bóget qurylysy toqtap turǵanyna bes aiǵa jýyqtaǵan kezde ony salýǵa tapsyrys bergen "Qazseldenqorǵaý" qurylys kompaniiasymen sottasqan. Telegram arna málimetinshe, 2022 jyldyń basynda Nazarbaeva Aqbota Bolatqyzy kompaniia quryltaishylarynyń biri bolǵan.
"Golos Naroda" basylymynyń málimetinshe, Aqbota Bolatqyzyna tiesili qurylys kompaniiasynyń bógetten bólek nysandardyń qurylysyna da qatysy bar bolyp shyqqan. Kompaniia turǵyn úige jatpaityn ǵimarattar men qurylystar salýǵa mamandanǵan, búkil Qazaqstan boiynsha jumys isteidi.
Memlekettik satyp alý portalynyń statistikasyna sáikes, 2018 jyldan bastap "TOLAGAI-2050" JShS memlekettik organdarmen 200 mlrd teńgege 80-nen astam shart jáne 250-den astam qosymsha kelisim jasasqan.
Kompaniia salǵan eń jańa ǵimarattardyń ishinde Aqtóbe oblysyndaǵy Shalqar kólin 2,5 mlrd teńgege tazartý jáne Almaty oblysynyń sýarý kanaldaryn tazartý jónindegi sharttarǵa jalpy somasy 63 mlrd teńgege qosymsha kelisimsharttar bar.
Kompaniia 2024 jyldyń 4 aiynda memleketpen 2023 jylǵa qaraǵanda eki ese kóp somaǵa sharttar jasap úlgergen.
Májilis depýtaty Aidos Sarym "TOLAGAI-2050" JShS 2023 jyldyń 31 jeltoqsanyna deiin 40,3 mlrd teńge somasyna 15 shekara zastavasyn salýy tiis bolǵanyn, alaida bólingen somanyń 35 paiyzy ǵana igergenin jáne qurylys merzimi keshigip jatqanyn aitqan.
Qazirgi tańda "TOLAGAI-2050" JShS quryltaishysy tek bir adam - Orazhan Janysbekov. Kompaniia saityndaǵy resmi málimet boiynsha, kompaniianyń negizin qalaýshy da Janysbekov. Sonymen qatar, kompaniia saitynda Aqbota Nazarbaeva quryltaishylar tizimine qalai kirgeni jaily túsinikteme berilgen.
"Ol (Nazarbaeva) Qarasai aýdanynda 150 ga turǵyn úi massivin salý boiynsha naqty biznes-jobaǵa belgili bir ýaqytta quryltaishylar quramyna engizildi, onda "TOLAGAI-2050" JShS Qazaqstan tarapynan Bas qurylys salýshy retinde áreket etýi tiis bolatyn. Bul investitsiialyq joba jumys istemegendikten, investitsiia túsken joq jáne quryltai shartynyń talaptaryna sáikes Nazarbaeva tizimnen shyǵaryldy", - delingen jaýapta.
Kompaniianyń bas direktory Qanat Nyshanovtyń sózinshe, Aqbota Nazarbaevanyń quryltaishylar tiziminde bolýyn Antikor tergep, keiinnen Bas prokýratýra tergep, artynsha qaitadan Qaraǵandy oblysynyń antikor qyzmeti tergeý júrgizgen.
"Tergeý barysynda bizdiń quryltaishy Bolat Nazarbaevpen de, onyń uldary, qyzdary nemese áielimen jeke tanys emes ekeni anyqtaldy", - deidi Nyshanov.
Sonymen qatar, Nyshanovtyń aitýynsha, Aqbota Nazarbaeva kelisilgen merzimde quryltai úlesin tólemegen bolyp shyqty.
