Ázilkesh Qairat Ádilgereidiń orazaǵa qatysty aitqan ázili áleýmettik jelide qyzý talqylanyp jatyr, dep habarlaidy Dalanews.kz.
Videoda ol jumys barysynda áriptesterimen “oraza” taqyrybyn áńgimege arqaý etedi. Ázil retinde aitylǵan sózderiniń birinde: "Ólseńder, orazada ólińder - jumaqqa barasyńdar" deidi. Áriptesteri de "soǵan tyrysyp júrmiz ǵoi" dep qaljyńǵa qosylady.
Budan keiin ázilkesh sózin jalǵap: "Tiri qalyp, orazada aýyzasharǵa kelip turmaiyq, jumaqta ázirge oryn joq eken" dep ázilin túiindeidi.
Jeli qoldanýshylarynyń bir bóligi bul sózdi orynsyz dep baǵalap, synǵa aldy. Al endi bireýleri ony ázil retinde qabyldaý keregin aityp jatyr.
Aita keteiik, buǵan deiin kásipker Ahmetbek Nursila ázilkesh Qairat Ádilgereidiń Qurmanǵazy Saǵyrbaiulyna qatysty aitqan pikirin synǵa alǵan edi.
Daýdyń týýyna ázilkeshtiń Qurmanǵazy týraly kino túsirý taqyrybynda aitqan pikiri sebep bolǵan. Onyń sózinshe, tarihi tulǵalardy tek bir qyrynan ǵana emes, basqa qyrynan da ashyp kórsetý kerek. Osy oidy jetkizý barysynda ol Qurmanǵazynyń ómirine qatysty daýly sipattamalar aitqan.
Ahmetbek Nursila bul pikirge jaýap berip, mundai málimdemelerdi orynsyz dep baǵalady. Ol tanymal tulǵalardyń sahnaǵa shyǵyp, kinoǵa túsip, toi júrgizip júrgenin atap ótip, qoǵam aldynda jaýapkershilik bolýy keregin aitty.
Sondai-aq kásipker Qurmanǵazynyń esimine qatysty aitylǵan sózder úshin quqyqtyq baǵa berý qajet ekenin málimdep, bul máseleni qoǵamdyq deńgeide talqylaýǵa shaqyrdy.
