Premer-ministrdiń orynbasary Serik Jumanǵarin úkimettiń otstavkasy týraly taraǵan qaýesetke qatysty pikir bildirdi.Ol mundai aqparatty birinshi ret estip turǵanyn aitty,- dep habarlaidy Dalanews.kz Ulysmedia.kz-ke siltep.
Aldymen Jumanǵarin qaýesetterge pikir bildirmeitinin atap ótti. Ol bul aqparattyń senimdi ári resmi derekkózi bolǵan jaǵdaida ǵana pikir bildirýge daiyn ekenin jetkizdi.
– Men úkimettiń múshesimin jáne qaýesetterdi talqylamaimyn, túsinesiz be? Maǵan senimdi ári resmi derekkózdi kórsetseńiz, sonda ǵana pikir bildiremin, – dep túsindirdi ol jýrnalisterge.
Úkimettiń otstavkasyna qatysty múmkin bolatyn sebepter týraly suraqqaJumanǵarin mundai suraqty birinshi ret estip turǵanyn aityp, tańdanysyn bildirdi.
– Sizder aityp turǵan nárseni men alǵash ret sizderden estip turmyn. Qazir sizge jyldam jaýap tabýym kerek pe? – dep jaýap berdi Jumanǵarin.
Azamattardyń jinalyp qalǵan narazylyǵy týraly jáne onyń úkimettiń otstavkasyna ákelýi múmkindigi jóninde qoiylǵan suraqqa Jumanǵarin bul týraly osy suraq qoiylǵanǵa deiin múlde oilamaǵanyn aitty.
– Qazaqstandar, jalpy, adamdar óz ortasynda kóp nársege narazy bolady, túsinesiz be? Bul tek úkimetke qatysty emes. Keide adamdar bir-birine de narazy bolady, – dep jalǵastyrdy vitse-premer.
Úkimettiń jyldyq jumysynyń qorytyndylary týraly suraqqa Jumanǵarin bul másele tym aýqymdy ekenin moiyndady. Degenmen, óziniń jaýapkershilik salasyna qatysty jumystyń sátti ótkenin atap ótti.
– Meniń oiymsha, biz "tórttik" deńgeiinde jumys istedik. Sý tasqynyna, shegirtke shabýylyna qaramastan, biz ónimdi saqtap qala aldyq, durys pa? Ony jinap, qazir sátti ótkizip jatyrmyz. Bul biz sheshýimiz kerek negizgi mindetter edi. Shynymdy aitsam, búgin zaldaǵy atmosferany kórdik. Ol dostyq kóńil-kúide ótti. Qatty syn bolǵan joq. Ótken jyldardy elestetińiz. 2023 jyly aýyl sharýashylyǵy týraly esep bolǵanda, qurǵaqshylyq pen basqa qiyndyqtardan keiin, ahýal basqasha edi. Qazir qoǵamda ótkir taqyryptar jetkilikti, – dedi ol.
