Premer-ministrdiń orynbasary – Ulttyq ekonomika ministri Serik Jumanǵarin otbasy ieligindegi 10 páterge qatysty aqparatqa túsinikteme berdi, dep habarlaidy Dalanews.kz.
Ministr salyqty árdaiym ýaqtyly tóleitinin jáne zań buzbaǵanyn málimdedi.
– Men árqashan, meili biznes bolsyn, meili jeke ómirde bolsyn, salyq tóleimin, sol úshin tynysh uiyqtaimyn. Ákem únemi «adamǵa eń mańyzdysy – tynyshtyq» dep aitatyn. Salyq tólegen adam ǵana tynysh uiyqtai alady, – dedi Jumanǵarin jýrnalisterdiń páter satý kezindegi salyq tóleý men adaldyq týraly suraǵyna jaýap bere otyryp.
2023 jyly internette Aqtóbedegi 10 páter para retinde berilgen bolýy múmkin degen mazmundaǵy video taraǵan. Bul materialda Jumanǵarinniń aty atalǵan.Sol kezde ministr jala jabý faktisi boiynsha sotqa aryz berýdi qarastyryp jatqanyn aitqan.
Alaida atalǵan 10 páterdiń otbasynyń atyna tirkelgenin rastaǵan. Sonymen qatar, eshqandai zań buzýshylyq jasalmaǵanyn atap ótken bolatyn.
