Ulttyq ekonomıka mınıstri Serik Jumanǵarın jubaıynyń tabysyna qatysty qoıylǵan suraqtarǵa jaýap berdi, dep habarlaıdy Dalanews.kz.
Buǵan deıin jarıalanǵan deklarasıada mınıstrdiń jubaıy bir jyl ishinde 88 mıllıon teńgeden astam tabys tapqany kórsetilgen edi.
Jýrnalıser mınıstrden onyń jubaıy mundaı qomaqty qarajatty qalaı tapqanyn surady. Alaıda Serik Jumanǵarın óziniń barlyq zań talaptaryn oryndaǵanyn aıtyp, tabys týraly málimettiń deklarasıada ashyq kórsetilgenin jetkizdi.
“Eger adam deklarasıa tapsyrsa, demek, jasyratyn eshteńesi joq. Zań boıynsha deklarasıa tapsyryp, ony jarıalaý kerek. Men osy talaptardy oryndadym”, - dedi Serik Jumanǵarın.
Sonymen birge ol qajet bolǵan jaǵdaıda jubaıynyń tabysyna esep berýge daıyn ekenin aıtty.
“Eger zań talap etse, onyń qalaı tabys tapqanyn, qandaı baǵaly qaǵazdardy satyp alyp, qaısysyn satqanyn da túsindiremin”, - dedi mınıstr.
Aıta keteıik, Ulttyq ekonomıka mınıstrligi buǵan deıin Serik Jumanǵarınniń 2024 jylǵa arnalǵan deklarasıasynan málimetter jarıalaǵan. Qujatqa sáıkes, mınıstrdiń otbasynyń jyldyq tabysy 88 mln teńgeni quraǵan.
