Ázirbaıjan prezıdenti Ilham Álıevtyń qyzy Leıla Álıeva men ánshi, kásipker Emın Agalarov Instagram paraqshasynda ózderiniń resmı túrde ajyrasqandaryn málim etti.
Olar 9 jyl bir shańyraqtyń astynda turyp, dám-tuzdary jaraspaǵan soń, ajyrasýǵa bel býǵandaryn málimdedi. Prezıdenttiń qyzyna úlenbeı turǵanda E.Agalarov kópshilikke ánshi retinde tanylǵan edi. Al qazir E.Agalarov Ázirbaıjandaǵy beldi kásipkerlerdiń biri. Ol áleýmettik jelidegi paraqshasyna ne sebepti ajyrasqandaryn ashyp jazbaǵan. E.Agalarov óz jazbasynda kópten beri bólek turatyndaryn, aldaǵy ýaqytta ortaq balalaryn birlesip tárbıeleýge keliskenderin aıtypty. Leıla men Emın 2006 jyly bas qosyp, 2008 jyly egiz uldyń ata-anasy atanǵany esimizde.
