ءازىربايجان پرەزيدەنتى يلحام الييەۆتىڭ قىزى لەيلا الييەۆا مەن ءانشى، كاسىپكەر ەمين اگالاروۆ Instagram پاراقشاسىندا وزدەرىنىڭ رەسمي تۇردە اجىراسقاندارىن ءمالىم ەتتى.
ولار 9 جىل ءبىر شاڭىراقتىڭ استىندا تۇرىپ، ءدام-تۇزدارى جاراسپاعان سوڭ، اجىراسۋعا بەل بۋعاندارىن مالىمدەدى. پرەزيدەنتتىڭ قىزىنا ۇلەنبەي تۇرعاندا ە.اگالاروۆ كوپشىلىككە ءانشى رەتىندە تانىلعان ەدى. ال ءقازىر ە.اگالاروۆ ءازىربايجانداعى بەلدى كاسىپكەرلەردىڭ ءبىرى. ول الەۋمەتتىك جەلىدەگى پاراقشاسىنا نە سەبەپتى اجىراسقاندارىن اشىپ جازباعان. ە.اگالاروۆ ءوز جازباسىندا كوپتەن بەرى بولەك تۇراتىندارىن، الداعى ۋاقىتتا ورتاق بالالارىن بىرلەسىپ تاربيەلەۋگە كەلىسكەندەرىن ايتىپتى. لەيلا مەن ەمين 2006 جىلى باس قوسىپ، 2008 جىلى ەگىز ۇلدىڭ اتا-اناسى اتانعانى ەسىمىزدە.
