Shyǵys Qazaqstan oblysynda «ShQO-nyń úzdik týristik-rekreatsiialyq aimaǵy» ataǵyna arnalǵan baiqaý ótti. Oǵan týrizmniń ártúrli baǵyttaryn qamtityn 24 joba qatysqan. Baq synaǵan jobalar jaǵajai, ekologiia, aýyldyq, emdik-saýyqtyrý, mádeni-tanymdyq jáne qysqy taý shańǵysy týrizm baǵyttaryn tańdady, – dep habarlaidy Dalanews.kz ShQO ákiminiń baspasóz qyzmetine silteme jasap.
Baiqaýdyń jalpy júlde qory 1 mlrd teńgeni qurady. Bul qarajat týristik infraqurylymdy damytýǵa, sonyń ishinde jol salý, elektr jelilerin júrgizý jáne basqa da qajetti jumystarǵa baǵyttalǵan. Qarajat 200 mln teńgeden 5 lotqa bólindi.
Jobalardy qarastyrý nátijesinde qazylar alqasy eń perspektivaly 9 bastamany iriktep aldy. Olardyń arasynan finaldyq jeńimpazdar anyqtalady. Jeńimpaz jobalar óńirdegi týrizmniń damýyna aitarlyqtai áser etedi dep kútilýde.
Irikteý barysynda jobalardyń týristerdi tartý áleýeti, jergilikti biznesti yntalandyrýy, jumys oryndaryn qurýy jáne qoldanystaǵy marshrýttarǵa integratsiialanýy siiaqty kriteriiler eskerilgenin aita ketýimiz kerek.
Baiqaý Shyǵys Qazaqstandy eldiń jetekshi týristik óńirleriniń biri retinde nyǵaitýǵa qabiletti úzdik týristik bastamalardy qoldaýǵa baǵyttalǵan. Onyń qorytyndy nátijeleri jaqyn arada jariialanady.
