Aitýly jiynda alǵashqy bolyp sóz alǵan oblys ákimi Janseiit Túimebaev Sozaq óńiriniń qazaq tarihyndaǵy róline toqtalyp, óńir turǵyndaryn aýdannyń mereitoiymen quttyqtady.
– Elbasymyz Nursultan Nazarbaev «Bolashaqqa baǵdar: rýhani jańǵyrý» atty baǵdarlamalyq maqalasynda: «Týǵan jerdiń árbir saiy men qyrqasy, tańy men ózeni tarihtan syr shertedi. Árbir jer ataýlynyń tórkini týraly talai-talai ańyzdar men áńgimeler bar. Árbir ólkeniń halqyna sýyqta pana, ystyqta saia bolǵan, esimderi el esinde saqtalǵan birtýar perzentteri bar. Onyń bárin jas urpaq bilip ósýge tiis» dep atap kórsetken bolatyn. Túrkistan oblysynda naǵyz qasietti de kieli jerler kóp. Sonyń biri de biregeii, áýlieli, kieli, shertpe kúidiń otany bolǵan – Sozaq aýdany. Tekti topyraq Sozaq ulttyq ádebietimizdiń sirek daryn iesi Táken men Sáýirbekti, Asqar men Tólegen, Bátimalardy ómirge alyp keldi. Teriskeidiń aiaýly perzenti Asqar Súleimenovshe aitsaq, «Sozaq dariia...Sozaq qariia... Sozaq minez» degeni osynda bolsa kerek. Búginde Sozaq aýdany óndirisi órlegen, sharýashylyǵy shalqyǵan oblystaǵy kósh bastaýshy aýdandardyń birine ainalǵan. Búgingi atap ótken mereili toi – jańa jetistiktiń, teriskeidegi tyń tabystardyń bastaýy bolsyn, – dedi Janseiit Qanseiituly.
Ǵylymi jiynda 1985-1991 jyldary Sozaq aýdandyq partiia komitetiniń birinshi hatshysy qyzmetin atqarǵan D.Sherimqulov, Táýelsizdiktiń alǵashqy jyldarynda Sozaq aýdanynda tuńǵysh ákimi bolyp qyzmet atqarǵan Á.Ombaev, 1994-1999 jyldary Sozaq aýdanynyń ákimi bolyp qyzmet atqarǵan Q,Aitahanov syndy azamattar quttyqtaý sózderin arnap, óńirdiń tarihynan syr shertti.
Sozaq aýdanynyń 90 jyldyq mereitoiyna arnalǵan konferentsiiada aýdannyń órkendeýine úles qosqan birqatar azamattar oblys ákiminiń Gramotasymen jáne Alǵys hatymen marapataldy.
Túrkistan oblysy ákiminiń baspasóz qyzmeti
