Kórmege kórshiles eldegi 230-ǵa jýyq kásiporynnyń ónimderi qoiylyp, tamaq ónerkásibi, qurylys, mashina jasaý, metallýrgiia, himiia, jeńil ónerkásip, farmatsevtika, jihaz, kiim jáne toqyma salasyna qatysty, sonymen qatar, kádesyilar men sporttyq taýarlar jáne oiynshyqtar syndy 1 myńnan astam ónim ońtústikqazaqstandyqtarǵa usynyldy.
− Bizdiń aimaq biznesti damytý úshin investorlarǵa qolaily jaǵdai jasaý áleýetimen erekshelenedi. 2010 jyly Shymkent qalasynda toqyma ónerkásibin damytý maqsatynda «Ońtústik» arnaiy ekonomikalyq aimaǵy qurylǵan. Sonymen qatar, oblysymyzdaǵy 11 indýstrialdy aimaqta kásipkerler úshin qolaily jaǵdai jasalǵan. Búgingi kezdesý Shymkent pen Tashkent kásipkerleriniń arasynda bolashaq jemisti yntymaqtastyqtyń negizi bolady dep úmittenemin, − dedi ákim.
− Búgin biz 900-ge jýyq taýar túrin nazarlaryńyzǵa usynatyn bolamyz. Degenmen, bul bizdiń barlyq áleýetimiz degendi bildirmeidi. Aldaǵy basqosýlarymyzda da tabysty jetistikterge birge jetemiz degen úmittemin. Jalpy, Qazaqstan men Tashkent arasyndaǵy saýda ainalymy jyldan-jylǵa artyp keledi. Máselen, byltyr Qazaqstannyń Tashkentpen aradaǵy saýda ainalymy 500 mln. AQSh dollary bolsa, biylǵy jyldyń birinshi toqsanyndaǵy nátije boiynsha atalǵan soma 150 mln. AQSh dollaryna kóbeiip otyr, − dedi N.Hýsanov.
Munan soń, aimaq basshysy Tashkent qalasy taýaróndirýshileriniń kórmesine qatysyp, ondaǵy ónimderimen tanysty. Sonymen qatar, ózbekstandyq kásipkerlerdi birlese jumys isteýge shaqyrdy.
«Jalpy, qazirgi tańda eki eldiń arasyndaǵy saýda-ekonomikalyq qatynastyń jandanýy baiqalýda. Iaǵni, 2016 jyldyń qorytyndysy boiynsha Ózbekstanmen syrtqy taýar ainalymynyń kólemi 1,5 mlrd. AQSh dollaryn qurap, onyń 30%-dan astamy Ońtústik Qazaqstan oblysyna (532,4 mln.AQSh doll.) tiesili bolyp otyr. Alaida, qos memlekettiń Prezidentteriniń – N.Nazarbaev pen Sh.Mirzieevtiń ózara kezdesýleri, iaǵni, ózbek basshysynyń Elbasymen 22-23 naýryzda Qazaqstanda kezdesýi, 29 sáýirdegi Ońtústik Qazaqstanda júzdesýiniń nátijesinde saýda ainalym kólemin 5 mlrd. AQSh dollaryna jetkizý týraly ýaǵdalastyǵyn eskersek, bul bizder úshin az soma dep bilemin. Sondyqtan, baýyrlas elder bolashaqta bul salalardaǵy bailanysyn odan ári nyǵaityp, mádeni-gýmanitarlyq yntymaqtastyǵyn odan ári kúsheitedi dep bilemin», − dedi ákim.
Búginde Qazaqstannan Ózbekstanǵa baǵyttalǵan eksporttyń basym bóligi munai jáne onyń ónimderi men un-jarma ónerkásibiniń ónimderi, astyq, qara jáne tústi metall, tsement, transformatorlar, organikalyq emes himiia jáne azyq-túlik ónimderi bolyp tabylady. Al Ózbekstannan Qazaqstanǵa jemis-jidek, kókónis ónimderi, maqta talshyǵy, toqyma jáne daiyn tigin ónimderi, tyńaitqyshtar, mehanikalyq qurylǵylar, plastmassa buiymdary, aǵash jáne gips, mataly emes materialdar men matalar importtalýda.
OQO ákiminiń baspasóz qyzmeti
