«LRT – jemqorlyq eskertkishi» taqyrybynda uiymdastyrylǵan mitingtiń qorytyndysynda partiia belsendileri jemqorlyqtyń memleketti kúiretetinin, adamdar arasyndaǵy senimdilikti azaitatynyn, memlekettik institýttarǵa degen senimdi joiatyndyǵyn málim etti.
"Paraqorlyqpen kúres kezinde, ásirese saiasi deńgeide, batyl sharalar qoldanylmasa, Qazaqstan turaqty damý jolyna túse almaidy dep esepteimiz. Jemqorlyqtyń eń basty tosqaýyly retinde halyqtyq parlamenttik baqylaý jasaqtaýdy, qala azamattary qalalyq sheshimderdi qabyldai alatyndai plebistsit institýtyn engizýdi, memlekettik organdardyń qaitalanatyn fýnktsiialaryn birinshi basshylardyń tolyq derbes jaýapkershiligimen qysqartýdy talap etemiz", – dedi partiia músheleri.
Budan bólek ortalyq jáne jergilikti atqarý organdarynda barlyq deńgeidegi depýtattar men sheneýnikterdiń kiris-shyǵysy týraly mindetti jariia deklaratsiiany shuǵyl túrde engizý qajet. Jemqorlarmen nátijeli kúrestiń jalǵyz qarýy - negizsiz baiýǵa qarsy qylmystyq bap engizýdi de kún tártibine kirgizý mindet.
"Jemqorlyq qylmys jasaǵany úshin merziminen buryn bosatý quqyǵynsyz barynsha uzaq merzimge jazalaýdy. Sybailas jemqorlyq táýekelderin boldyrmaý maqsatynda ár 5 jyl saiyn jaýapty laýazymdardy atqaratyn memlekettik jáne saiasi qyzmetshilerdi rotatsiialaýdy talap etemiz", – dedi JSDP.
